ಫಿರ್ಗಜೆಚಿ ಚರಿತ್ರಾ
ಆಮ್ಚ್ಯಾ ಮಾಲ್ಗಡ್ಯಾಂನಿ ಆಪ್ಲೊ ಜೀವ್ ರಿಸ್ಕೆರ್ ಘಾಲ್ನ್ ಭಾವಾರ್ಥ್ ಪರ್ಗಟ್ ಕೆಲ್ಲೆ ದಾಕ್ಲೆ ಸಬಾರ್ ಆಯ್ಕೊಂಕ್ ಆನಿ ಪಳೆಂವ್ಕ್ ಮೆಳ್ತಾತ್. ಹ್ಯಾ ಬಾವಾರ್ಥಾಕ್ ಸಾಕ್ಸ್ ದೀವ್ನ್ ಟಿಪ್ಪುಚ್ಯಾ ಬಂಧಡೆoತ್ ಕಷ್ಟಲ್ಯಾ ತಾಕೊಡೆ ಆನಿ ಹೊಸ್ಪೆಟ್ ಫಿರ್ಗಜೆಚೊ ವಾಂಟೊ ಜಾವ್ನಸ್‌ಲ್ಲೊ ಶಿರ್ತಾಡಿ. ಶಿರ್ತಾಡಿ, ಮಾಂಟ್ರಾಡಿ, ಪೆಂಚಾರ್, ಕಾಶಿಪಟ್ಣ, ದರೆಗುಡ್ಡೆ ಹ್ಯಾ ಪ್ರದೇಶಾಂತ್ಲ್ಯಾ ಕ್ರಿಸ್ತಾಂವ್ ಲೊಕಾನ್ ಆಪ್ಲ್ಯಾ ಆತ್ಮೀಕ್ ಗರ್ಜಾಂ ಖಾತಿರ್ ರಾನ್, ಗುಡೆ, ದೊಂಗೊರ್ ಆನಿ ನೈಂ ಉತ್ರೊನ್ ಪಯಿಲ್ಯಾ ತಾಕೊಡೆ ಯಾ ಹೊಸ್ಪೆಟ್ ಫಿರ್ಗಜೆಕ್ ಚಲೊನ್ ವಸಜೆ ಆಸ್‌ಲ್ಲೆಂ ಧಾರ್ಮಿಕ್ ಗರ್ಜಾಂ ಖಾತಿರ್ ದೇವ್ ಪ್ರಜೆನ್ ಕಾಡ್ಚೆ ಕಷ್ಟ್ ಸಮ್ಜೊವ್ನ್ ಬಾಪ್ ರೆಂಜಾಲ್ ಹಾಣಿಂ ಹೊಸ್ಪೆಟ್ ಫಿರ್ಗಜೆ ಥಾವ್ನ್ ೧೫ ಮೈಲಾಂ ಪಯ್ಸ್ ಆಸ್ಚ್ಯಾ ಪೆಂಚಾರಾoತ್ ಕೊಪೆಲ್ ಉಬರ‍್ಚೊ ನಿರ್ಧಾರ್ ಕೆಲೊ. ೧೮೮೨ ಇಸ್ವೆಂತ್ ಮದ್ರಾಸ್ ಸರ್ಕಾರ ಕಡೆಂ ಕೊಪೆಲಾಕ್ ಜಾಗೊ ವಿಚರ‍್ನ್ ಮನವಿ ಪಾಟಯ್ಲಿಂ. 1892 ಇಸ್ವೆಂತ್ ಹೊಸ್ಪೆಟ್ಚೊ ಸಾಕ್ರಿಸ್ತಾ ಮೊಸೆಸ್ ಪೆರಿಸ್ ಹಾಚಾ ನಾಂವಾರ್ ಜಾಗೊ ಮಂಜೂರ್ ಜಾಲೊ. 1895 ಇಚ್ವೆಂತ್ ಮೊಸೆಸ್ ಪೆರಿಸಾನ್ ಪೆಂಚಾರ್ ಕೊಪೆಲಾಚಾ ನಾವಾರ್ ಕರ್ನ್ ದಿಲೊ.
ಮದ್ರಾಸ್ ಸರ್ಕಾರ ಥಾವ್ನ್ ಲಾಭ್‌ಲ್ಲೊ ಹೊ ಜಾಗೊ ಜಾಂವ್ಕ್ ಪಾವ್ಲೊ ಪೆಂಚಾರಾoತ್ ಏಕ್ ನೊವಿ ನಿಶಾನಿ. ಪೆಜರ‍್ಚೊ ವಿಗಾರ್‌ವಾರ್ ಮಾ| ಬಾಪ್ ಬಾಸಿಲ್ ಬಾರೆಟ್ಟೊ ಹಾಣಿಂ ಸಗ್ಳಿ ಜವಾಬ್ದಾರಿ ವಹಿಸುನ್ ಪೆಂಚಾರಾoತ್ 1892 ಇಸ್ವೆಂತ್ ಕೊಪೆಲಾಕ್ ಬುನ್ಯಾದ್ ಘಾಲಿ. ಹ್ಯಾ ಸಾದ್ಯಾ ರಿತಿಚಾ ಭಾಂದ್ಪಾಚೊ ಸಂಪೂರ್ಣ್ ಖರ್ಚ್ ಹೊಸ್ಪೆಟ್ ಇಗರ್ಜೆನ್ ಪಳೈಲೊ. ಹ್ಯಾ ಭಾಂದ್ಪಾ ಖಾತಿರ್ ಲೊಕಾನ್ ಧಾರಾಳ್ ಮಾಫಾನ್ ಸೊಡ್ತ್ಯೊ ಕೆಲ್ಯಾತ್. ಪೆಂಚಾರಾoತ್ ಕೊಪೆಲ್ ಜಾಲ್ಲ್ಯಾ ನಂತರ್ ಮಾಗ್ಣೆಂ, ರಜಾರ್ ಆನಿ ಆತ್ಮಿಕ್ ಗರ್ಜೊ ಖಳ್ಮಿತ್ ನಾಸ್ತಾನಾ ವಾಡೊನ್‌ಂಚ್ ಆಯ್ಲ್ಯೊ. ಹ್ಯಾ ನಿಮ್ತಿಂ ಲೊಕಾ ಥೈಂ ಉಮೆದ್ ಚಡ್ಲಿ ಲೊಕಾನ್ ಕೊಪೆಲಾ ಖಾತಿರ್ ಆನಿಂ ಥೊಡೊ ಜಾಗೊ ಪೈಶೆಂ ಜಮೊವ್ನ್ ದಿಯೊಗ್ ಸೊಜಾಚೊ 22.9.1902 ವೆರ್ ಜಾಗೊ ಮೊಲಾಕ್ ಘೆತ್ಲೊ. ಕೊಪೆಲಾಕ್ ಜಾಗೊ ವಿಕ್‌ಲ್ಲೊ ದಿಯೊಗಾಮ್ ತ್ಯಾಚ್ ಜಾಗ್ಯರ್ ಗೇಣಿಕ್ ರಾವ್ಲೊ. 11.01.1904 ವೆರ್ ಥಾವ್ನ್ ಹೊಸ್ಪೆಟ್ಚಾ ವಿಗಾರಾನ್ ಪೆಂಚರ‍್ಚೆo ಲೇಖ್ ವಿಂಗಡ್ ದವರುಂಕ್ ಪಾರಂಭ್ ಕೆಲೆಂ ಜೊಮೊ ಜಾಲ್ಲ್ಯಾ ಪೈಶ್ಯಾಂನಿ 21.7.1912ವೆರ್ ರೂ. 500/- ದೀವ್ನ್ ಕೊಪೆಲಾ ಲಾಗ್ಸಿಲೊ ಅನ್ಯೇಕ್ ಜಾಗೊ ಮೊಲಾಕ್ ಘೆತ್ಲೊ. ಹ್ಯಾ ಕೊಪೆಲಾ ಅಭಿವೃದ್ಧಿ ಖಾತಿರ್ ಮಾ|ಬಾ|ಜಾಕೊಬ್ ಸಿಕ್ವೇರಾ, ಮಾ|ಬಾ| ಕಜಿತಾನ್ ಪಿರೇರಾ ಆನಿ ಮಾ|ಬಾ| ರೊಜಾರಿಯೊ ಲುವಿಸ್ ಹಾಣಿಂ ವರ್ತಿ ಮಿನತ್ ಕಾಡ್ಲಿಂ.
ಕೊಪೆಲ್ ಆಸ್‌ಲ್ಲೆಂ ಫಿರ್ಗಜ್ ಜಾವ್ನ್ ಮಾಂಡುನ್ ಹಾಡಿಜೆ ಆನಿ ಹಾಂಗಾಚ್ ಏಕ್ ಖಾಯಂ ವಿಗಾರ್ ಜಾಯ್ ಮ್ಹಣ್ ಲೊಕಾಕ್ ಉರ್ಬಾ ಆಸ್ಲಿ. ಹ್ಯಾ ಖಾತಿರ್ ವಿಗಾರಾಂಕ್ ರಾವೊಂಕ್ ವಸ್ತೆ ಘರ್ ಬಾಂದುAಕ್ ಕುಮ್ಕೆಕ್ ಗೊವ್ಳಿ ಬಾಪಾಂಕ್ ಮನವಿ ಅರ್ಪಿಲ್ಲ್ಯೊ. ಹಾಚೊ ಪ್ರತಿಫಳ್ ಜಾವ್ನ್ ನಾರಾವಿಂತ್ಲೊ “ದೈವಿಕ್ ದೂತ್” “ಮಣ್ಯರೆ ಗುರು” ಮ್ಹಣ್ ನಾಂವಾಡ್‌ಲ್ಲೊ ಜೆಜ್ವಿತ್ ಪಾದ್ರ‍್ಯಾಬ್ ಎ.ಕೋರ್ಟಿಚಾ ಹಾತಾಂತ್ ಪೆಂಚಾರ್ ಕೊಪೆಲ್ ಸೊಡ್ನ್ ದಿಲೆಂ. ಫಾ| ಕೋರ್ಟಿನ್ ಸಂತೊಸಾನ್ ಹೆಂ ಮಿಸಾಂವ್ ಹಾತಿಂ ಘೆತ್ಲೆಂ. ಫಾ| ಕೋರ್ಟಿ ಕಡೆ ಕೆಂಪಿ ಮ್ಹಳ್ಳೊ ಗೊಡೊ ಆಸೊನ್ ಸೊಭಿತ್ ಲ್ಹಾನ್‌ಶಿ ಗೊಡ್ಯಾ ಗಾಡಿ ಆಸ್‌ಲ್ಲಿ. ನಾರಾವಿಂತ್ ಆಪ್ಲೆ ಮಿಸಾಂವ್ ಬಳಾನ್ ಚಲ್ತಾನಾ ಪೆಂಚಾರಾoತಿ ವಿಶೇಷ್ ವಾವ್ರ್ ದಿಲೊ. ಶಿರ್ತಾಡಿ ಥಾವ್ನ್ ಪೆಂಚಾರಾಕ್ ವೊಸೊಂಕ್ ವಾಟೆಚಿ ಆಡ್ಕಳ್ ಆಸ್‌ಲ್ಲಿ. ಹ್ಯಾ ವಾಟ್ ಖಾತಿರ್ ಹಿಂದ್ವಾಚಾ ವಿರೋಧ್ ಝುಜೊನ್ ಜೀಕ್ ಆಪ್ಣಾಯ್ಲಿ.
14.5.1922 ವೆರ್ ಲೊಕಾಚಿ ಸಬಾರ್ ಕಾಳಾಚಿ ಆಶಾ ಸುಫಳ್ ಜಾಲಿ ಶಿರ್ವಾಂ ಫಿರ್ಗಜೆಂತ್ ಸಹಾಯಕ್ ವಿಗಾರ್ ಜಾವ್ನಾಸ್‌ಲ್ಲೊ ಮಾ|ಬಾ| ಆಲ್ಬರ್ಟ್ ಡೇಸಾ ಪಯ್ಲೊ ವಿಗಾರ್ ಜಾವ್ನ್ ಪೆಂಚಾರಾಕ್ ಆಯಿಲೊ. ಲೊಕಾ ಥಂಯ್ ಧಾರ್ಮಿಕ್ ಆಸಕ್ತ್ ಆನಿ ದೆವಾಸ್ಪಣ್ ಚಡ್ಲೆಂ ಪೂಣ್ ರಾನಾಚಾ ಮದ್ಲ್ಯಾನ್ ರಸ್ತೊ ನಾಸ್ತಾನಾ ಅಭಿವೃದ್ಧಿ ಜಾಂವ್ಚಿ ಜಳಕ್ ನಾತ್‌ಲ್ಲ್ಯಾನ್ ಬಾಪ್ ಡೇಸಾನ್ ಪೆಂಚಾರ್ ಆಸ್‌ಪಾಸ್ ಆಸ್ಚ್ಯಾ ತಾಕೊಡೆ, ಕಾರ್ಕಳ್, ಹೊಸ್ಪೆಟ್ ಆನಿ ನಾರಾವಿಚಾ ವಿಗಾರಾಂಕ್ ಬಿದ್ರ‍್ಯಾ ಸರ್ಕಾರಿ ಬೊಂಗ್ಲ್ಯಾoತ್ ಜಮಾತ್ ಆಪಯ್ಲಿ. ಹ್ಯಾ ಜಮಾತೆರ್ ಫಿರ್ಗಜೆಚ್ಯಾ ಅಭಿವೃದ್ಧಿ ಖಾತಿರ್ ಪೆಂಚಾರಾಚ್ಯಾಕೀ ಶಿರ್ತಾಡಿ ಸೂಕ್ತ್ ಜಾಗೊ ಮ್ಹಣ್ ಒಪುನ್ ಘೆತ್ಲೊ. ಪೂಣ್ ಗೊವ್ಳಿ ಬಾಪಾನ್ ವಿಗಾರಾಂಚಾ ಸಭೆಚೊ ನಿರ್ಣಯ್ ಪಸಂದ್ ಕೆಲೊ ನಾ ಪೂಣ್ ಬಾಪ್ ಡೇಸಾನ್ ಪ್ರಯತ್ನ್ ಸೊಡಿನಾಸ್ತಾಂ ತಾಕೊಡೆ ಥಾವ್ನ್ ಶಿರ್ತಾಡಿ ಸ್ವತಂತ್ರ್ ಕರುಂಕ್ ಭಿಸ್ಪಾಕ್ ಮನವಿ ದಿಲಿ. ಹ್ಯಾ ಪಾವ್ಟಿಂ ಗೊವ್ಳಿಬಾಪ್ ಪೆರಿನಿಯಲ್ ಹಾಣಿಂ ಶಿರ್ತಾಡಿಕ್ ತಾಕೊಡೆ ಥಾವ್ನ್ ಡಿಕ್ರಿ ದಿಲಿ. ಮೂಡಬಿದ್ರೆ - ನಾರಾವಿ ರಸ್ತ್ಯಾ ಬಗ್ಲೆನ್ ಸೊವ್ಯಾ ಮಯ್ಲಾಂ ಫಾತ್ರಾ ಕಡೆ ಮಂಗ್ಳರ‍್ಚಾ ಭಿಸ್ಪಾನ್ ಸ್ವತಃ ಯೇವ್ನ್ ಜಾಗೊ ಅಮಾನತ್ ಕೆಲೊ. 1927 ಜನವರಿಂತ್ ಘರಾ ಖಾತಿರ್ ಬುನ್ಯಾದಿ ಫಾತೊರ್ ಗಾಲೊ. ರೂ.1000/- ಖರ್ಚ್ ಕರ್ನ್ ವಿಗಾರಾಚೆಂ ಘರ್ ಉಬರ‍್ಲೆಂ.5.6.1927ವೆರ್ ಘರಾಚೆಂ ಆಶೀರ್ವಚನ್ ಕೆಲೆಂ ತವಳ್ ವಿಗಾರಾಚಾ ಘರಾಂತ್‌ಚ್ ಪವಿತ್ರ್ ಬಲಿದಾ ಭೆಟಯ್ತಾಲೆ ಥೊಡ್ಯಾ ತೆಂಪಾ ಉಪ್ರಾಂತ್ 26.1.1928 ತಾರಿಕೆರ್ ಗೊವ್ಳಿಬಾಪಾನ್ ಶಿರ್ತಾಡಿ ಮೂಡಾಬಿದ್ರೆ ಆನಿ ನಾರಾವಿ ವಿಂಗಡ್ ಫಿರ್ಗಜ್ ಕರುಂಕ್ ಯೋಗ್ಯ್ ಮ್ಹಣ್ ಜಾಹೀರ್ ಕೆಲೆ. ಸೆಂಟ್ರಲ್ ವಾರಾಡ್ಯಾಚೊ ವಿಗಾರ್‌ವಾರ್ ಮಾ| ಬಾಪ್ ಗ್ರೆಗೊರಿ ಡಿಸೋಜಾಕ್ ಮುಕ್ಲ್ಯಾ ವಾವ್ರಾಕ್ ಜವಾಬ್ದಾರಿ ದಿಲಿ. 8.12.1928 ವೆರ್ ಮಂಗ್ಳೂರ್‌ಚೊ ಭಿಸ್ಪ್ ಅ|ಮಾ|ದೊ| ಏ. ಐ. ಡಿಸೋಜಾನ್ ಆಪ್ಲಿ ಮೊರ್ ಆನಿ ದಸ್ಕತ್ ರ‍್ನ್ ಅಧಿಕೃತ್ ಥರಾನ್ ಶಿರ್ತಾಡಿ ಫಿರ್ಗಜ್ ಮ್ಹಣ್ ಪೋಷಣ್ ಕೆಲೆಂ. ಹ್ಯಾಚ್ ವೆಳಾರ್ ಹೊಸ್ಪೆಟ್ ತಾಕೊಡೆ ಆನಿ ಪಾಲಡ್ಕ ಫಿರ್ಗಜೆಂಚ್ಯೊ ಗಡಿ ಪುನರ್ ರೂಪಿತ್ ಕರುನ್ ಮೂಡಬಿದ್ರೆ ನಾರಾವಿ ಫಿರ್ಗಜ್ಯೊ ಕೆಲ್ಯೊ ಥೊಡ್ಯಾಶ್ ತೆಂಪಾ ಭಿತರ್ ಪೆಂಚಾರ್‌ಚೆo ಕೊಪೆಲ್ ಮೊಡುನ್ ಸರ್ವ್ ಸಾಹೆತ್ ಶಿರ್ತಾಡಿಕ್ ಸಾಗ್ಸಿಲಿ ಪೂಣ್ ಪೆಂಚಾರ್ ಥಾವ್ನ್ ಶಿರ್ತಾಡಿಕ್ ಕಾರ್ಮೆಲ್ ಮಾಯೆಚಿ ಇಮಾಜ್ ಹಾಡುಂಕ್ ಬೋವ್ ತ್ರಾಸ್ ಜಾಲೆ. ಪೆಂಚಾರ್ ಥಾವ್ನ್ ಮಾಯೆಚಿ ಇಮಾಜ್ ಕಾಡ್ತಾನಾ ಪಾಯಾಚಿ ತಾಳು ಕುಡ್ಕೆ ಜಾಲಿ. 1.1.1929ವೆರ್ ನವ್ಯಾ ಇಗರ್ಜೆ ಬಾಂದ್ಪಾಕ್ ಬುನ್ಯಾದಿ ಫಾತೊರ್ ಘಾಲೊ. ಪೂಣ್ ಇಗರ್ಜೆಚೆ ಬಾಂದಾಪ್ ಬಾಂದ್ತಾನಾ ತೋರಿ ಸಮೆತ್ ಸಗ್ಳಿ ಇಗರ್ಜ್ ಕೊಸ್ಳೊನ್ ಪಡ್ಲಿ ವರ್ತೊ ನಷ್ಟ್ ಜಾವ್ನ್ ಬಾಪ್ ಡೇಸಾ ಪಯ್ಶಾಂಚ್ಯಾ ಅಡ್ಚಣೆನ್ ಕಷ್ಟಾಲೊ. ತಾಣೆಂ ಜೆಜುಚೆಂ ಲ್ಹಾನ್ ಫುಲ್ ಸಾಂ ತೆರೆಜಾ ಕಡೆ ದಿಂಬೈರ್ ಪೊಡೊನ್ ಮಾಗ್ಲೆಂ ಪರ್ತುನ್ ನವ್ಯಾನ್ ಮುನ್ಸಿಜೋರ್ ಪಿ.ಆರ್. ಫೆರ್ನಾಂಡಿಸಾನ್ 1929 ಸಪ್ಟೆಂಬರಾತ್ ಬುನ್ಯಾದಿ ಫಾತೊರ್ ಗಾಲೊ ಸಾಂ ತೆರೆಜಾ ಕಡೆ ಮಾಗ್‌ಲ್ಲೊ ಉಪ್ಕಾರ್ ಜಾವ್ನ್ ಸಗ್ಳಿ ಇಗರ್ಜ್ ಕಾಯಿಂಚ್ ಆಡ್ಕಳಿ ವಿಣೆಂ ಉಬಿ ಜಾಲಿ ಅಶೆಂ ಜೆಜುಚೆಂ ಲ್ಹಾನ್ ಫುಲ್ ಸಾಂ. ತೆರೆಜಾಕ್ ಆತಾಂಯಿ ಸಂಭ್ರಮಾನ್ ಮಾನ್ ರ‍್ತಾತ್.
ಮಾ|ಬಾಪ್ ಆಲ್ಬರ್ಟ್ ಡೇಸಾ (14.5.1922 - 16.8.1931)
ಶಿರ್ವಾಂ ಫಿರ್ಗಜೆಂತ್ ಸಹಾಯಕ್ ವಿಗಾರ್ ಜಾವ್ನಾಸ್‌ಲ್ಲೊ ಮಾ|ಬಾ|ಆಲ್ಬರ್ಟ್ ಡೇಸಾ 14.5.1922ವೆರ್ ಪೆಂಚಾರಾಕ್ ವಿಗಾರ್ ಜಾವ್ನ್ ಆಯ್ಲೆ. ಆಪ್ಲ್ಯಾ ಅತ್ಮ್ಯಾಚ್ಯಾ ಸಂಪೂರ್ಣ್ ಬಳಾನ್ ಲೊಕಾ ಥೈಂ ದೆವಾಚಿ ವೊಳೊಕ್ ಆನಿ ಮಾಗ್ಣ್ಯಾಚೊ ಸ್ಪಿರಿತ್ ರ‍್ಚಾಕ್ ನಿರಂತರಿ ವಾವರ‍್ಲೊ. ಹೊಸ್ಪೆಟ್ ಫಿರ್ಗಜೆ ಥಾವ್ನ್ ಪಯ್ಸ್ ಆಸ್ಚೊ ಲೋಕ್ ಬಾಪ್ ಡೇಸಾಚಾ ಮಿನತೆನ್ ದೆವಾ ಥಂಯ್ ಸ್ಪಿರಿತಾನ್ ರ‍್ಲೊ. ಲೊಕಾಕ್ ಭಕ್ತಿಕ್ ಕಾರ್ಯಾಂಕ್ ಬರ್ಪೂರ್ ಆವ್ಕಾಸ್ ಮಳ್ಳೊ. ಪೆಂಚಾರಾAತ್ ಬಾಪ್ ಡೇಸಾಚಾ ವರ್ತಾ್ಯ ಮಿನತೆನ್ ಲೊಕಾಚೊ ಬಾವಾರ್ಥ್ ದಿಸಾಂನ್ ದೀಸ್ ಚಡ್ಲೊ. ಲೊಕಾ ಥಂಯ್ ಧಾರ್ಮಿಕ್ ಆಸಕ್ತ್ ಆನಿ ದೆವಾಸ್ಪಣ್ ಚಡ್ಲೆಂ ಫಿರ್ಗಜೆಚ್ಯಾ ಅಭಿವೃದ್ಧೆಕ್ ಇಗರ್ಜ್ ಪೆಂಚಾರ್ ಥಾವ್ನ್ ಶಿರ್ತಾಡಿಕ್ ಬದ್ಲಿ ಕರುಂಕ್ ಖಳ್ಮಿತ್ ನಾಸ್ತಾನಾ ವಾವರ‍್ಲೆ. ಗೊವ್ಳಿಬಾಪಾಂಚಿ ಆಡ್ಕಳ್ ಆಸ್ಲ್ಯಾರೀ ಹಟ್ ಸೊಡಿನಾಸ್ತಾನಾ ಧರ್‌ಲ್ಲೆಂ ಕಾಮ್ ಪೊಂತಾಕ್ ಪಾವಯ್ಲೆಂ. ಶಿರ್ತಾಡಿಚೊ ಲೋಕ್ ಚಡಾವತ್ ರೈತ್ ಆನಿ ದುಬ್ಳೊ ಜಾಲ್ಲ್ಯಾನ್ ಇಗರ್ಜೆಚ್ಯಾ ಬಾಂದ್ಪಾಚಾ ಕಾಮಾಕ್ ಜಾಯ್ ಪುರ್ತಿ ಆರ್ಥಿಕ್ ಕುಮೊಕ್ ಮೆಳೊಂಕ್ ನಾ ತಶೆಂ ಜಾಲ್ಲ್ಯಾನ್ ಕಠಿಣ್ ಮಿನತ್ ಕಾಡಿಜೆ ಪಡ್ಲಿ. ಪೂಣ್ ವರ‍್ತ್ಯಾ ಜವಾಬ್ದಾರೆನ್ ಆನಿ ಶಾಥಿಪಣಾನ್ ಇಗರ್ಜೆಚಾ ಪಾಕ್ಯಾಚೆಂ ಕಾಮ್ ಸಂಪೈಲೆ ಅಶೆಂ ಬಾಪ್ ಡೇಸಾ ಶಿರ್ತಾಡಿಗಾರಾಂಚಾ ಕಾಳ್ಜಾ ಮನಾಂತ್ ಶಾಶ್ವತ್ ಜಾವ್ನ್ ಉರ‍್ಲೆ.
ಮಾ| ಬಾಪ್ ಜೋನ್ ಜಿ. ಪಿಂಟೊ (16.8.1931 – 13.5.1937)
ಶಿರ್ತಾಡಿಚೊ ಸ್ಥಾಪಕ್ ವಿಗಾರ್ ಮಾ| ಬಾಪ್ ಜೋನ್ ಜಿ. ಪಿಂಟೊ ಹಾಣೆಂ ಇಗರ್ಜೆಚಾ ಬಾಂದ್ಪಾಚೆo ಉರ್‌ಲ್ಲೆಂ ಕಾಮ್ ವರ‍್ತ್ಯಾ ಉಮೆದಿನ್ ಹಾತಿ ಧರ‍್ಲೆಂ. ವೊಣ್ತಿಕ್ ಸಾರೊಣ್, ದರ್ಣಿಚೆಂ ಕಾಮ್, ಅಲ್ತಾರಿಚೆಂ ಕಾಮ್ ಆರಂಭ್ ಕೆಲೆ. ನವ್ಯಾ ಕ್ರಿಸ್ತವಾಂಚಾ ಘರಾಂಕ್ ಭೆಟ್ ದಿಂವ್ಚೆ ಮಿಸಾಂವ್ ಪ್ರಾರಂಭ್ ಕೆಲೆಂ. ಕಾಶಿಪಟ್ಣ ಶಿರ್ತಾಡಿ ಥಾವ್ನ್ 4 ಕಿ.ಮೀ ಪಯ್ಸ್ ಆಸ್‌ಲ್ಲ್ಯಾನ್ ಥಂಯ್ ಸರ್ ಭುರ‍್ಗ್ಯಾಂಕ್ ಶಿಕಾಪ್ ಲಾಭ್ಚ್ಯಾಕ್ ಇಸ್ಕಾಲ್ ಆರಂಭ್ ಕೆಲೆಂ. 1932 ಜನವರಿಂತ್ ಸಾಕ್ರಿಸ್ತ್ ಆನಿ ಅಲ್ತಾರ್ ತಯಾರ್ ಕೆಲಿ 17.4.1932 ವೆರ್ ನವ್ಯಾ ಅಲ್ತಾರಿರ್ ಗೊವ್ಳಿಬಾಪ್ ಅ|ಮಾ|ದೊತೊರ್ ವಿ. ಆರ್. ಫೆರ್ನಾಂಡಿಸಾನ್ ಪಯ್ಲೆಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಗೊವ್ಳಿಬಾಪಾಂಚಾ ಖುಶೆ ಪ್ರಕಾರ್ ಶಿರ್ತಾಡಿ ಫಿರ್ಗಜ್ ಕಾರ್ಮೆಲ್ ಮಾಯೆಕ್ ಅರ್ಪಣ್ ಕೆಲಿ. ಗೊವ್ಳಿಬಾಪಾಂಚಾ ಅಧಿಕೃತ್ ಭೆಟೆ ವೆಳಾರ್ ಇಗರ್ಜೆಕ್ ಸುನೊ ಆನಿ ಉರ್‌ಲ್ಲಿಂ ಕಾಮಾಂ ಸಂಪವ್ನ್ ಇಗರ್ಜ್ ಸುಸಜ್ಜಿತ್ ಥರಾನ್ ತಯಾರ್ ಕೆಲಿ. 16.2.1934 ವೆರ್ 14 ತೆಸೆವಾಂಚಿ ಪಾಯ್ನೆಲಾಂ ಇಗರ್ಜೆಂತ್ ದವರ‍್ಲಿ. ಕಾಶಿಪಟ್ಣ ಇಸ್ಕಲಾಂತ್ ಭುರ್ಗಿಂ ಉಣೆಂ ಆಸ್‌ಲ್ಲ್ಯಾನ್ ಆದಿಂ ದ್ರಾವಿಡಾಂ ಖಾತಿರ್ ಪ್ರಾರಂಭ್ ಕೆಲ್ಲೆಂ ಇಸ್ಕಾಲ್ 24.10.1932 ತಾರಿಕೆರ್ ಶಿರ್ತಾಡಿಕ್ ಹಾಡ್ಲೆಂ. ಶಿರ್ತಾಡಿಂತ್ ಸರ್ಕಾರಿ ಇಸ್ಕಲ್ ಆಸ್‌ಲ್ಲ್ಯಾನ್ ಶಿಕ್ಷಣ್ ಇಲಾಖ್ಯಾನ್ ಮಾನ್ಯತಾ ದಿಲಿನಾ ಪೂಣ್ ಗೊವ್ಳಿ ಬಾಪಾಂನಿ ಇಸ್ಕಾಲ್ ಚಲೊಂವ್ಕ್ ಆರ್ಥಿಕ್ ಕುಮೊಕ್ ದಿಲ್ಲ್ಯಾನ್ ಇಸ್ಕಾಲ್ ಜಿವಂತ್ ಉರ‍್ಲೆಂ. ಕಥೊಲಿಕ್ ವಿದ್ಯಾ ಬೋರ್ಡಾಚ್ಯಾ ಮೆನೆಜರಾಚಾ ಆನಿ ಬಾಪ್ ಪಿಂಟೊಚ್ಯಾ ವರ‍್ತ್ಯಾ ಮಿನತೆನ್ ಸರ್ಕಾರಿ ಇಸ್ಕಲ್ ರದ್ದ ಜಾಲೆಂ ಆನಿ ಇಗರ್ಜೆಚಾ ಹೋಲಿ ಏಂಜಲ್ಸ್ ಇಸ್ಕಲಾಕ್ ಮಾನ್ಯತಾ ಲಾಭ್ಲಿಂ. ಅಶೆಂ ಅತ್ಮಿಕ್, ಲೌಕಿಕ್ ಆನಿ ಶಿಕ್ಷಣ್ ಕ್ಷೇತ್ರಾಂತ್ ವಿಸ್ರೊಂಕ್ ನಜೊ ಜಾಲ್ಲಿ ನಿಸ್ವಾರ್ಥ್ ಸೆವೆಂ ದ್ವಾರಿಂ ಬಾಪ್ ಜಿ. ಪಿಂಟೊ ಶಿರ್ತಾಡಿಚಾ ದೇವ್ ಪ್ರಜೆಚಾ ಕಾಳ್ಜಾಂನಿ ಅಮರ್ ಜಾಲ್ಯಾತ್.
ಮಾ| ಬಾಪ್ ಪ್ರಾನ್ಸಿಸ್ ಎಕ್ಸ್ ಡಿಸೋಜ (13.5.1937 – 16.5.1949)
ಮಾ| ಬಾಪ್ ಜೋನ್ ಜೆ. ಪಿಂಟೊ ಬೆಲ್ತಂಗಡಿಕ್ ವರ್ಗ್ ಜಾವ್ನ್ ಜಾವ್ನ್ ಗೆಲ್ಲ್ಯಾ ವಗ್ತಾ ಶಿರ್ತಾಡಿಕ್ ನವೊ ವಿಗಾರ್ ಜಾವ್ನ್ ಮಾ| ಬಾಪ್ ಪ್ರಾನ್ಸಿಸ್ ಎಕ್ಸ್ ಡಿಸೋಜಾನ್ ಹುದ್ದೊ ಸ್ವೀಕಾರ್ ಕೆಲೊ ನವೆಂ ಚಿಂತಾಪ್ ಆನಿ ವರ‍್ತ್ಯಾ ಉಮೆದಿನ್ ಆಪ್ಲೆಂ ಮಿಸಾವ್ ಪಾರಂಭ ಕೆಲೆಂ. 1938 ಇಸ್ವೆಂತ್ ಬೆಳ್ಳೂರ್ ಫಿರ್ಗಜೆಚೆಂ ವಿಗಾರ್ ಮಾ. ಬಾಪ್ ಅಂತೋನಿ ನೊರೊನ್ಹಾನ್ ಯೇವ್ನ್ ರೆತಿರ್ ದಿಲಿ.
ಬೊಂಬಾಯ್ ಆನಿ ಘಾಟಾರ್ ಕಾಮ್ ಕರುನ್ ಸ್ಥಿತಿವಂತ್ ಜಾಲ್ಲ್ಯಾ ಕ್ರಿಸ್ತಾಂವ್ ಭಕ್ತಿಕಾಂಚಾ ಕುಮ್ಕೆನ್ ಕರೆಜ್ಮಾಂತ್ ಜೆಜುಚೊ ಪಾಶಾಂವ್ ಪ್ರಾರಂಭ್ ಕೆಲೊ. 1939 ಮೇಯಾಂತ್ ಚಲ್ಯಾಂಕ್ ಆನಿ ಚಲಿಯಾಂಕ್ ಸೊಡಾಲಿಟಿ ಆರಂಭ್ ಕೆಲಿ. ಗೊವ್ಳಿಬಾಪಾನ್ ಅಧಿಕೃತ್ ಡಿಕ್ರಿ ದಿವುನ್ ಸಾಂ. ಜುಜೆ ವಾಡ್ಯಾಚಿಂ ಕುಟ್ಮಾಂ ಕೆಲ್ಲಪುತ್ತಿಗೆ ಆನಿ ಪಣಪ್ಪಿಲಚಿಂ ಕುಟ್ಮಾಂ ನೆಲ್ಲಿಕಾರ್ ನವಿ ಫಿರ್ಗಜ್ ಕರುಂಕ್ ಸೊಡ್ನ್ ದಿಂವ್ಕ್ ಸಾಂಗ್ಲೆ. 1938 ಇಸ್ವೆಂತ್ ಅಧಿಕೃತಾ ಮಾನ್ಯತಾ ಮೆಳ್ಳ್ಯಾರಿ ಕ್ಲಾಸಿಂತ್ ಜಾಯ್ ಪುರ್ತೊ ಜಾಗೊ ನಾಸ್ತನಾ ಇಗರ್ಜೆಚಾ ಪೊರ್ಟಿಕೊoತ್ ಆನಿ ಹೆರ್ ಜಾಗ್ಯಾಂನಿ ಕ್ಲಾಸಿ ಕರಿಜೆ ಪಡ್ತಾಲೆಂ. ತ್ಯಾಖಾತಿರ್ ಇಗರ್ಜೆ ಮುಕ್ಲೊ ಜಾಗೊ ಸರ್ಕಾರಾಕ್ ಮನವಿ ದೀವ್ನ್ 1941 ಎಪ್ರಿಲಾಂತ್ ಇಸ್ಕಲಾಚಾ ನಾಂವಾರ್ ಕರಯ್ಲೊ. ಹ್ಯಾಚ್ ವರ‍್ಸಾ ಸಪ್ಟೆಂಬರ್ 8 ತಾರಿಕೆರ್ ಮೊಂತಿ ಸಾಯ್ಬಿಣಿಚಾ ಫೆಸ್ತಾ ದಿಸ್ಯಾ ನವ್ಯಾ ಇಸ್ಕಾಲಾಕ್ ಬುನ್ಯಾದಿ ಫಾತೊರ್ ಘಾಲೊ. ವಿಗಾರಾಚಾ ಉಮೆದಿನ್ ಲೊಕಾಚಾ ಬರ್ಪೂರ್ ಸಹಕಾರಾನ್ ಫಕತ್ 10 ಮಹಿನ್ಯಾನಿಂ ಇಸ್ಕಲಾಚೆಂ ನವೆಂ ಬಾಂದಾಪ್ ತಯಾರ್ ಜಾಲೆಂ. 1942 ಇಸ್ವೆಂತ್ ಗಿರಿ ಫಿರ್ಗಜೆಚೊ ವಿಗಾರ್ ಮಾ| ಬಾಪ್ ಆಲ್ಬರ್ಟ್ ವಿ. ಡಿಸೋಜ ಹಾಣೆಂ ರೆತಿರ್ ದೀವ್ನ್ ಬಾವಾಡ್ತ್ಯಾಂಕ್ ಸ್ಪಿರಿತಾನ್ ¨ ಭರ‍್ಲೆಂ. ಹ್ಯಾ ವರ್ವಿಂ ಮಿಸಾಕ್ ಆನಿ ಧಾರ್ಮಿಕ್ ಕಾರ್ಯಾಂಕ್ ಲೋಕ್ ಉರ್ಬೆನ್ ಯೇಂವ್ಕ್ ಲಾಗ್ಲೊ. 1943 ಎಪ್ರಿಲಾಂತ್ ಘಾಂಟಿಚಿ ನವಿ ತೋರ್ ನವ್ಯಾನ್ ಉಬರ‍್ಲಿ. 1944 ಇಸ್ವೆಂತ್ ಶಿರ್ತಾಡಿಚೊ ಶಿಲ್ಪಿ ಬಾಪ್ ಡೇಸಾಚೊ ಜುಬ್ಲೆವ್ (ರುಪ್ಯಾಳೊ ಉತ್ಸವ್) ವ್ಹಡಾ ದಬಾಜಾನ್ ಆಚರಣ್ ಕೆಲೊ. ಭುರ‍್ಗ್ಯಾಂನಿ ಉದ್ಕಾ ಖಾತಿರ್ ವಾಂವ್ಟ್ ಕಾಡ್ಚಿ ಪಳೆವ್ನ್ 1945 ಇಸ್ವೆಂತ್ ಇಸ್ಕಲಾಕ್ ಏಕ್ ಬಾಂಯ್ ಕೊಂಡ್ಲಿ. ಹ್ಯಾ ನಿಮ್ತಿಂ ಇಸ್ಕಲಾಚಾ ಭುರ‍್ಗ್ಯಾಂಕ್ ಆನಿ ಸೆಜರ‍್ಚಾ ಕುಟ್ಮಾಂಕ್ ಗಿಮಾಂತ್ ಉದ್ಕಾ ಖಾತಿರ್ ಕಷ್ಟ್ ಕಾಡ್ಚೆಂ ಉಣೆಂ ಜಾಲೆ. ಗೊವ್ಳಿಬಾಪಾಚಾ ಪರ್ವಣ್ಗೆನ್ 17.4.1947ವೆರ್ ಕ್ರೀಸ್ತಿ ವಾವ್ರಾಕ್ ಆನಿ ಆಪೊಸ್ತಲಾವಿಕ್ ಅರ್ಸುಲಾಯ್ನ್ ಧರ್ಮ್ ಭಯ್ಣಿಂಕ್ ಹಾಂಗಾಸರ್ ಹಾಡಯ್ಲೆಂ. 4 ಜಣಾಂ ಧರ್ಮ್ ಭಯ್ಣಿಂ ಶಿಕ್ಷಕಿಚಾಂ ಮಿಸಾಂವಾ ಸವೆಂ ಹಾಂಗಾಸರ್ ಆಯ್ಲಿಂ. ಇಗರ್ಜೆ ಲಾಗ್ಸಾರ್ ಆಸ್ಚ್ಯಾ ದಾಕ್ಟ್ಯಾ ಘರಾಂತ್ ವಸ್ತಿ ಕರುಂಕ್ ಲಾಗ್ಲಿಂ ತ್ಯಾಘರಾಕ್ ಮೆಡೊನ್ನಾ ಕೊನ್ವೆಂಟ್ ಮ್ಹಣ್ ನಾಂವ್ ದಿಲೆ. 1949 ಇಸ್ವೆಂತ್ ಫಾತಿಮಾಚೆ ಭಕ್ತಿಪಣ್ ಕರುಂಕ್ ಫಾತಿಮಾ ಸಾಯ್ಬಿಣಿಚಿ ಇಮಾಜ್ ವ್ಹಡಾ ದಬಾಜಾನ್ ಹಾಡಾಯ್ಲಿ. ಹ್ಯಾ ಕರ‍್ಯಾಕ್ ಸಾತ್ ಯಾಜಕ್ ಭಾವ್ ಆನಿ ದೋನ್ ಹಜಾರ್ ಭರ್ ಕಥೋಲಿಕ್ ಆನಿ ಮೇಳ್ ಬ್ಯಾಂಡ್ ವಾಜಾಪ್ ಆಸ್ಲೆಂ. ಲೊಕಾ ಥೈಂ ಮರಿಯೆಚಿ ಭಕ್ತ್ ದಿಸಾನ್ ದೀಸ್ ಚಡೊನ್‌ಚ್ ಆಯ್ಲಿ ಫಿರ್ಗಾಜೆಚಾ ಸರ್ವಾಂಗೀಣ್ ಅಭಿವೃದ್ಧೆಕ್ ಬಾಪ್ ಪ್ರಾನ್ಸಿಸ್ ಡಿಸೋಜ ವಾವರ‍್ಲೊ.
ಮಾ|ಬಾಪ್ ಎಡ್ವಿನ್ ಕ್ಯಾಸ್ತೆಲಿನೊ (16.5.1949 - 9.9.1949)
12 ವರ್ಸಾಂ ಫಿರ್ಗಜೆಂತ್ ಸೆವಾ ದಿಲ್ಲೊ ಮಾ|ಬಾ| ಎಪ್. ಎಕ್ಸ್. ಡಿಸೋಜ ಒಮ್ಜೂರಾಕ್ ವರ್ಗ್ ಜಾವ್ನ್ ಗೆಲೊ ತಾಚ್ಯಾ ಜಾಗ್ಯಾರ್ ಮಾ|ಬಾ| ಎಡ್ವಿನ್ ಕ್ಯಾಸ್ತೆಲಿನೊ ಹಾಣೆಂ ಆಪ್ಲ್ಯಾ ಮಿಸಾಂವಾoಕ್ ಖಾಂದ್ ಮರ‍್ಲೊ. ಬರೊ ಕಲಾಕಾರ್ ಜಾವ್ನಾಸ್‌ಲ್ಲ್ಯಾನ್ ಸಾಂ. ಜೋನ್ ಬಾರ್ಕ್ಮನ್ಸ್ ಹಾಚೆಂ ಪಿಂತುರ್ ಆನಿ ಸಾಂ ತೆರೆಜಾಚಿ ಅಲ್ತಾರ್ ಸ್ವತಃ ತಯಾರ್ ಕರ್ನ್ ಇಗರ್ಜೆಂತ್ ದವರ‍್ಲಿ. ಮಯ್ಪಾಸಿ ತಶೆಂಚ್ ಮೊವಾಳ್ ಕಾಳ್ಜಾಚೊ ಜಾವ್ನ್ನ್ ದುಬ್ಳ್ಯಾ ದಾಕ್ಟ್ಯಾಂಚೆ ವಿಶೇಷ್ ಹುಸ್ಕೊ ಆಸ್‌ಲ್ಲೊ ಪೂಣ್ ಕರಾವಳಿ ಪ್ರದೇಶ್ ತೊಟ್ಟಾಂ ಫಿರ್ಗಜೆಂತ್ 16 ವರ್ಸಾಂ ಆಸ್‌ಲ್ಲ್ಯಾನ್ ಮಲ್ನಾಡ್ ಪ್ರದೇಶ್ ಜಾಯ್ನಾಂ ಮ್ಹಣ್ ಗೊವ್ಳಿಬಾಪಾಲಾಗಿಂ ವಿನಂತಿ ಕೆಲಿ.
ಮಾ| ಬಾಪ್ ರುಜಾರ್ ಫೆರ್ನಾಂಡಿಸ್ (9.9.1949 – 1.5.1961)
ಮಾ| ಬಾಪ್ ಎಡ್ವಿನ್ ಕ್ಯಾಸ್ತೆಲಿನೊ ಬರ‍್ಕುರ್ ಫಿರ್ಗಜೆಕ್ ವರ್ಗ್ ಜಾವ್ನ್ ಗೆಲ್ಲ್ಯಾ ವಗ್ತಾ ಮಾ|ಬಾ| ರುಜಾರ್ ಫೆರ್ನಾಂಡಿಸ್ ಶಿರ್ತಾಡಿಕ್ ವರ್ಗ್ ಆಯಿಲೊ. ದುಬ್ಳ್ಯಾ ದಾಕ್ಟ್ಯಾಂ ಥಂಯ್ ತಾಂಕಾ ವಿಶೇಷ್ ಮೋಗ್ ಆಸ್‌ಲ್ಲೊ ಶಿಕ್ಷಣಾಂ ಥಂಯ್ ವಿಶೇಷ್ ಹುಸ್ಕೊ ಶಿರ್ತಾಡಿ ಥಾವ್ನ್ ೭ ಕಿ.ಮೀ. ಪಯ್ಸ್ ಆಸ್ಚ್ಯಾ ವಾಲ್ಪಾಡಿ ಗ್ರಾಮಾಚಾ ಆನೆಗುಡ್ಡೆಂತ್ ಬಾಪ್ ರುಜಾರ್ ಫೆರ್ನಾಂಡಿಸಾಚಾ ವರ‍್ತ್ಯಾ ಮಿನತೆನ್ ೧೯೫೩ ಇಸ್ವೆಂತ್ ಇಸ್ಕಾಲ್ ಪ್ರಾರಂಭ್ ಜಾಲೆಂ. ಹ್ಯಾಚ್ ವೆಳಾರ್ ಶಿರ್ತಾಡಿಚೆಂ ಇಸ್ಕಾಲ್ ಹೈಯರ್ ಪ್ರೆಮರಿ ಕೆಲೆ ಉಂಚ್ಲ್ಯಾ ಶಿಕ್ಪಾಕ್ ಅವ್ಕಾಸ್ ಕರ್ನ್ ದಿಲೊ. ಇಗರ್ಜೆಚಿ ನವಿ ಅಲ್ತಾರ್ ಕರೈಲಿ. ಇಗರ್ಜೆ ಮುಖಾರ್ ಲೂರ್ದ್ ಮಾಯೆಚೊ ಗ್ರೊಟ್ಟೊ ಉಬರ‍್ಲೊ. ಫಿರ್ಗಜೆಚಿ ವಾಡಾವಳ್ ಅನಿಕೀ ಭೋವ್ ಉತ್ತೀಮ್ ಜಾಲಿ ಜೀವಾನ್ ದಡಂಗ್ ಆನಿ ಉಲೊವ್ಣ್ಯಾನ್ ಖಡಕ್ಕ್ ತರಿ ಕ್ರಿಸ್ತಾ ಸಾರ್ಕೆ ಜಿಣ್ಯೆದ್ವಾರಿಂ ಲೊಕಾಂಚಿ ಮ್ಹನಾಂ ಜಿಕೊಂಕ್ ಸಕ್ಲೆಂ.
ಮಾ| ಬಾಪ್ ಪ್ಲಾಸಿಡ್ ಪಿರೇರಾ (1.5.1961 - 1.5.1966)
ಫಿರ್ಗಜೆಚೆಂ ಬರೆಂಪಣ್ ಮತಿಂತ್ ದವರುನ್ ಸರ್ವ್ ಲೊಕಾಕ್ ಸಾಂಗಾತಾ ಘೆವ್ನ್ ಸಬಾರ್ ಯೋಜನಾಂ ಮಾಂಡುನ್ ಹಾಡ್ಲಿಂ. ಇಗರ್ಜೆಚೆಂ ಸಗ್ಳೆಂ ಪಾಕೆಂ ಕಾಡ್ನ್ ನವೆಂ ಪಾಕೆ ಕೆಲೆಂ. ಇಗರ್ಜೆಚಿ ಸೊಭಾಯ್ ಚಡೊಂವ್ಕ್ ಇಗರ್ಜೆ ಮುಖಾರ್ ಪೊರ್ಟಿಗೊ ಬಾಂದೈಲೊ. ಪವಿತ್ರ್ ಸಾಕ್ರಾಮೆಂತಾಚೆo ವಿಶೇಷ್ ಭಕ್ತಿಪಣ್ ಆಸ್‌ಲ್ಲೆಂ ಕ್ರೀಸ್ತೀ ಶಿಕ್ಷಣ್ ದಿಂವ್ಚ್ಯಾಕ್ ವರ್ತಾ್ಯ ಉರ್ಬೆನ್ ವಾವರ‍್ಲೆ.
ಮಾ| ಬಾಪ್ ಮಾರ್ಕ್ ಫೆರ್ನಾಂಡಿಸ್ (1.5.1966 - 25.5.1975)
ಮಾ|ಬಾ|ಪ್ಲಾಸಿಡ್ ಪಿರೇರಾ ಹಾಂಚಾ ಜಾಗ್ಯಾರ್ ಆಯಿಲ್ಲ್ಯಾ ಬಾಪ್ ಮಾರ್ಕ್ ಫೆರ್ನಾಂಡಿಸ್ ಹಾಂಕಾ ದುಬ್ಳ್ಯಾ ದಾಕ್ಟ್ಯಾ ಥಂಯ್ ವಿಶೇಷ್ ಹುಸ್ಕೊ ಆಸ್‌ಲ್ಲೊ ಅನಾಥಾಂಕ್ ಆನಿ ಗರೀಬಾಂಕ್ ಆಧಾರ್ ಜಾಯಿಶೆಂ ಸಾಂ. ವಿಶೆಂತ್ ಪಾವ್ಲ್ ಸಭಾ ಪ್ರಾರಂಭ್ ಕೆಲಿ. ಇಗರ್ಜೆತ್ ಸುಮೊ ಕಾಡ್ನ್ ಇಗರ್ಜ್ ನವೀಕರಣ್ ಕೆಲಿ. ೧೯೭೧ ಡಿಸೆಂಬರಾತ್ ಇಗರ್ಜೆಕ್ ವೀಜ್ ಸಕ್ತೆಚೊ ಸಂಪರ್ಕ್ ದಿವೈಲೊ. ಶಾಂತ್ ಸಮಾಧಾನೆಚೊ ಮೊವಾಳ್ ಉತ್ರಾಂಚೊ ಜಾವ್ನಸೊನ್ ಹರ್ಯೆಕಾ ಸಂಗ್ತಿನಿ ಲೊಕಾಚಿಂ ಮನಾಂ ಜಿಕೊಂಕ್ ಸಕ್ಲೊಂ.
ಮಾ| ಬಾಪ್ ಜೆ.ಜೆ. ಮಾರ್ಟಿಸ್ (25.5.1975 -18.5.1983)
ಲೊಕಾ ಥೈಂ ದೆವಾಸ್ಪಣ್ ಆನಿ ಅತ್ಮಿಕ್ ಮೌಲ್ಯಂ ಜೀವಾಳ್ ಕರುಂಕ್ ಬಾಪ್ ಜೆ. ಜೆ. ಮಾರ್ಟಿಸ್ ಪೆಚಾಡ್ಲೊ. 1977 ಜನವರಿಂತ್ King of Kings ಮ್ಹಳ್ಳೆಂ ಫಿಲ್ಮ್ ದಾಕವ್ನ್ ಹ್ಯಾ ಫಿಲ್ಮಂ ಮುಖಾಂತ್ರ್ ಉರ್‌ಲ್ಲ್ಯಾ ಪೈಶಾಂನಿ ಇಗರ್ಜೆಚೆಂ ಪಾಕ್ಯಾಚೆಂ ಕಾಮ್ ಕರ್ನ್ ಸಂಪೈಲೆ. ಸಾಂ ಬೊಸ್ತ್ಯಾಂವ್ ವಾಡೊ ವಿಸ್ತಾರ್ ಆಸ್‌ಲ್ಲ್ಯಾನ್ ಮೇಯಾಂತ್ ದೋನ್ ವಾಡೆ ಕರುನ್ ನವ್ಯಾ ವಾಡ್ಯಾಕ್ ಸಾಂ ಜುಜೆ ವಾಡೊ ಮ್ಹಣ್ ನಾಂವ್ ದಿಲೆಂ. ಫಿರ್ಗಜೆಚ್ಯಾ ಅಭಿವೃದ್ಧೆ ಖಾತಿರ್ ನಿರಖ್ ಠೇವಣಿ ಪಂಡ್ ಆಸಾ ಕರುಂಕ್ ವ್ಯವಸ್ಥಾ ಕೆಲಿ. ನಿವೃತ್ತ್ ಜಾಲ್ಲ್ಯಾ ಗುರ್ಕಾರ್ ಶ್ರೀ ಲೊರೆನ್ಸ್ ಸಲ್ಡಾನಾಚಾ ಸೆವೆ ಖಾತಿರ್ ತಾಚೊ ಉಪ್ಕಾರ್ ಬಾವುಡನ್ ಮಾನ್ ಪಾಟಯ್ಲೊ. ಪಯ್ಸಿಲ್ಯಾ ಲೊಕಾನ್ ಧಾರ್ಮಿಕ್ ಗರ್ಜಾಂಕ್ ಕಷ್ಟ್ ಯೆಂವ್ಚೆ ಪಳೆವ್ನ್ ಆನೆಗುಡ್ಡೆ ಇಸ್ಕಲಾಲಾಗಿಂ ಕೊಪೆಲ್ ಬಾಂದ್ಚಿ ಆಲೋಚನ್ ಕರ್ನ್ 12.12.1979 ತಾರಿಕೆರ್ ಗೊವ್ಳಿಬಾಪಾಂಕ್ ಏಕ್ ಮನವಿ ದಾಡ್ಲಿ. ಹ್ಯಾ ಮನವೆಚಿ ಗರ್ಜ್ ಸಮ್ಜಲ್ಲ್ಯಾ ಗೊವ್ಳಿಬಾಪಾಂನಿ 1980 ನವೆಂಬರ್ ಮಹಿನ್ಯಾ ಥಾವ್ನ್ ಆನೆಗುಡ್ಡೆ ಇಸ್ಕಲಾಂತ್ ಮೀಸ್ ಭೆಟಂವ್ಕ್ ಪರ್ವಣ್ಗಿ ದಿಲಿ. 1981 ಇಸ್ವೆಂತ್ ಶಿರ್ತಾಡಿ ಇಗರ್ಜೆಕ್ ಎಲೆಕ್ಟಿಕ್ ಫ್ಯಾನಾಂಚಿ ವ್ಯವಸ್ಥಾ ಕೆಲಿ. ಹ್ಯಾಚ್ ವೆಳಾರ್ ಇಸ್ಕಲಾಚಾ ಆನಿ ಫಿರ್ಗಜೆಚಾ ಲೊಕಾಚಾ ಅಭಿವೃದ್ಧೆ ಖಾತಿರ್ ವರ್ತಿ ಮಿನತ್ ಕಾಡ್ಲಿ.
ಮಾ|ಬಾಪ್ ಅಲೆಕ್ಸ್ ಅರಾನ್ಹ (18.5.1983 - 27-5-1990)
ಬಾಪ್ ಮಾರ್ಟಿಸಾನ್ ಲೊಕಾ ಥಂಯ್ ಸೊಡ್ನ್ ಗೆಲ್ಲೊ ಸ್ಪಿರಿತ್ ಬಾಪ್ ಆರಾನ್ಹಾಚಾ ಕಾಳಾರ್ ಮೊಸ್ತು ಗೂಂಡ್ ಜಾಂವ್ಕ್ ಪಾವ್ಲೊ. ಇಗರ್ಜೆಂತ್ ಆಸ್‌ಲ್ಲೆಂ ಸ್ಪಿಕರ್ ಸಮಾ ಆಯ್ಕನಾತ್‌ಲ್ಲ್ಯಾನ್ ಇಗರ್ಜೆಕ್ ನೊವೆ ಸ್ಪಿಕರ್ ಹಾಡಯ್ಲೆಂ. ಆನೆಗುಡ್ಡೆ ನೊವೆ ಕೊಪೆಲ್ ಕರುಂಕ್ ಧೈರಾನ್ ಮೇಟ್ ಕಾಡ್ಲೆಂ. ಶ್ರೀಮಾನ್ ಬೊಸ್ತ್ಯಾಂವ್ ಡಿಮೆಲ್ಲೊ ಆನಿ ಕುಟ್ಮಾನ್ ದಿಲ್ಲ್ಯಾ ಜಾಗ್ಯಾಕ್ 11.9.1984 ವೆರ್ ಕೊಪೆಲಾಕ್ ಬುನ್ಯಾದಿ ಫಾತೊರ್ ಗಾಲೊ. ಆನೆಗುಡ್ಡೆ ಪರಿಸರಾಂತ್ಲೊ ಲೋಕ್ ದುಬ್ಳೊ ಜಾಲ್ಲ್ಯಾನ್ ಜಾಯ್ತಿಂ ಮಿನತ್ ಕಾಡ್ನ್ ಗಾಂವ್ಚ್ಯಾ ಪರ್ಗಾಂವ್ಚ್ಯಾ ದಾನಿಂ ಥಾವ್ನ್ ಪೈಶೆ ಜಮೊ ಕರ್ನ್ ಆನೆಗುಡ್ಡೆಂತ್ ಏಕ್ ಕೊಪೆಲ್ ಉಬೆಂ ಕೆಲೆಂ. ಹೆಂ ಕೊಪೆಲ್ 14.12.1987ವೆರ್ ಮಾ|ಬಾ| ರುಜಾರ್ ಫೆರ್ನಾಂಡಿಸ್ ಹಾಣೆಂ ಉಗ್ತಾಯ್ಲೆಂ. ಅ|ಮಾ| ದೊತೊರ್ ಬಾಜಿಲ್ ಸೊಜಾನ್ ಆಶೀರ್ವಚನ್ ಕೆಲೆಂ. ಲೊಕಾಕ್ ಮಿಸಾಚಾ ಬಲಿದಾನಾಂತ್ ಮಾತ್ರ್ ನೈಂ ಆಸ್ತಾಂ ಹೆರ್ ಧಾರ್ಮಿಕ್ ಕಾರ್ಯಾಂಕ್ ಅವ್ಕಾಸ್ ಕರ್ನ್ ದಿಲೆ. ಆನೆಗುಡ್ಡೆ ಇಸ್ಕಲಾಚ್ಯಾ ಧರ್ನಿಕ್ ಸಿಮೆಂಟ್ ಘಾಲ್ನ್ ಭುರ‍್ಗ್ಯಾಂಕ್ ನಿತಳ್ ವಾತಾವರಣಾಂತ್ ಶಿಕೊಂವ್ಕ್ ಅವ್ಕಾಸ್ ಕರ್ನ್ ದಿಲೊ. ದುಬ್ಳ್ಯಾ ದಾಕ್ಟ್ಯಾಂ ಥಂಯ್ ತಾಣೆಂ ದಾಕಯ್ಲಿಂ ಬರ‍್ಯಾ ಮನಾಚಿಂ ಕಾಮಾಂ ವಿಶೇಷ್ ಜಾವ್ನ್ ಆಸ್‌ಲ್ಲಿಂ. ಕೋಣೀ ಪಿಡೆಸ್ತ್ ಜರ್‌ತರ್ ಪಿಡೆಸ್ತ್ ರಿಸ್ಕೆರ್ ಆಸಾ ಜಾಲ್ಯಾರ್ ತಾಚೆ ಖಾತಿರ್ ಮಾಗ್ಣೆಂ ಭುಜಾವಣ್ ಆನಿ ಆರ್ಥಿಕ್ ಥರಾನ್ ಕುಮಕ್ ಕರ‍್ಚಿ ಜಾವ್ನಸ್‌ಲ್ಲೆಂ ಬಾಪ್ ಅರಾನ್ಹ ಹಾಂಚೆ ವಿಶೇಷ್ ಲಕ್ಷಣ್ ಅಜೂನ್ ಜಾಯಿತೊ ದುಬ್ಳೊ ಲೋಕ್ ತಾಂಚಿ ಸೆವಾ ವಾಖಾಣ್ತಾಂ.
ಮಾ|ಬಾಪ್ ಅಂತೋನ್ ಲೋಬೊ (27.5.1990 - 20.5.1998)
ಮಾ|ಬ್| ಅಲೆಕ್ಸ್ ಅರನ್ಹಾ ಹಾಂಚಾ ಜಾಗ್ಯಾ ಹುದ್ದೊ ಸ್ವೀಕಾರ್ ಕೆಲ್ಲ್ಯಾ ಬಾಪ್ ಅಂತೋನ್ ಲೋಬೊನ್ ಶಿರ್ತಾಡಿಂತ್ ವಿಶೇಷ್ ವಾವ್ರ್ ಕೆಲೊ. ಅತ್ಮೀಕ್ ಆನಿ ಲೌಖಿಕ್ ಸಂಗ್ತಿನಿ ಚಡಿತ್ ಗಮನ್ ದೀವ್ನ್ ಫಿರ್ಗಜ್ ಉದರ್ಗತೆಚಾ ಮೆಟಾಂನಿ ಚಲೊಂಕ್ ಪ್ರಯತ್ನ್ ಕೆಲೆಂ. ವಾಹನ್ ಮಾಲಕ್ ಆನಿ ಚಾಲಕ್ ಸಂಘ್ ಸ್ಥಾಪನ್ ಕರ್ನ್ ಮೊಂತಿ ಫೆಸ್ತಾ ಮಾಂಡವಳ್ ದಬಾಜಿಕ್ ಥರಾನ್ ಕರುಂಕ್ ಉತ್ತೇಜನ್ ದಿಲೆಂ. ಹ್ಯಾಚ್ ವೆಳಾರ್ ಗ್ರೊಟ್ಟ್ಯಾಚೆ ನವೀಕರಣ್ ಕೆಲೆ. ಇಗರ್ಜೆಕ್ ಸೊಬ್ಚೆ ವೀಸ್ ದಿವೆ ಆನಿ ಅಲ್ತಾರಿಚೆರ್ ಸೊಬ್ಚಿಂ ಕದೆಲ್ಯಾಂಚಿ ವ್ಯವಸ್ಥಾ ಕೆಲಿ. ಯುವಕಾಂ ಥಂಯ್ ವಿಶೇಷ್ ಹುಸ್ಕೊ ಆಸೊನ್ ತಾಂಚೆ ಥೈಂ ಆಸ್‌ಲ್ಲಿಂ ತಾಲೆಂತಾo ಉಜ್ವಾಡಾಕ್ ಹಾಡುಂಕ್ ಶಿರ್ತಾಡಿ ಆನಿ ಆನೆಗುಡ್ಡೆಂತ್ ಯುವಕ್ ಸಂಘ್ ಸ್ಥಾಪನ್ ಕೆಲೊ. ಲಿತುರ್ಜಿಕ್ ವಿಶೇಷ್ ಗಮನ್ ದೀವ್ನ್ ಸರ್ವ್ ದೇವ್ ಪ್ರಜೆನ್ ಪವಿತ್ರ್ ಬಲಿದಾನಾಂತ್ ಭಕ್ತಿನ್ ಆನಿ ಕ್ರಿಯಾತ್ಮಕ್ ಥರಾನ್ ಭಾಗ್ ಘೆಂವ್ಕ್ ಪ್ರಯತ್ನ್ ಕೆಲೆ. ಇಸ್ಕಲಾಚ್ಯಾ ಮೈದಾನಾಂತ್ಲ್ಯಾನ್ ವಾಹನಾ ಪಾಶಾರ್ ಜಾಲ್ಲ್ಯಾನ್ ಭುರ‍್ಗ್ಯಾಂಕ್ ಖೆಳೊಂಕ್ ಆಡ್ಕಳ್ಯೊ ಆಸ್‌ಲ್ಲ್ಯೊ ಹ್ಯಾ ವರ್ವಿಂ ಹ್ಯಾ ವಿಶಿಂ ಚಡಿತ್ ಗಮನ್ ದೀವ್ನ್ ಮೈದಾನಾಕ್ ಆವರಣ್ ಕರ್ನ್ ದಿಲೆ. ಸಾಂ ವಿಶೆಂತ್ ಪಾವ್ಲ್ ಸಭೆಚೊ 25 ವರ್ಸಾಂಚೊ ಜುಬ್ಲೆವ್ ಅರ್ಥಭರಿತ್ ಥರಾನ್ ಆಚರಣ್ ಕರ್ನ್ ವಾರಾಡ್ಯಾ ಮಟ್ಟರ್ ಶಾಭಾಸ್ಕಿ ಅಪ್ಣಾಯ್ಲಿ. ಹಾಚಾ ಕಾಳಾರ್ ಅತ್ಮಿಕ್ ಸಂಗ್ತಿನಿo ಕುಮೊಕ್ ಕರುಂಕ್ ಏಕ್ ವರಸ್ ದಿಯೊಕೊನ್ ಮೆಕ್ಸಿಮ್ ಡಿಸೋಜ ಹಾಣೆಂ ಸೆವಾ ದಿಲಿ. ಫಿರ್ಗಜೆಂತ್ ಶೋಷಿತಾಂಕ್ ರಕ್ಷಣ್ ದಿಂವ್ಚ್ಯಾ ಖಾತಿರ್ ಕಥೊಲಿಕ್ ಸಭಾ ಸ್ಥಾಪನ್ ಕೆಲಿ. ಕರೆಜ್ಮಾಂತ್ ಜೆಜುಚೊ ಪಾಶಾಂವ್ ನಿಯಾಳ್ನ್ ಉಗ್ತ್ಯಾ ಮೈದಾನಾರ್ ಖುರ್ಸಾವಾಟ್ ರ‍್ಚಿ ರೀತ್ ಪ್ರಾರಂಭ್ ಕರ್ನ್ ಲೊಕಾ ಥಂಯ್ ಅತ್ಮಿಕ್ ನಿಯಾಳಾಕ್ ಅವ್ಕಾಸ್ ಕರ್ನ್ ದಿಲೊ.ಇಸ್ಕಲಾಚಾ ಭುರ‍್ಗ್ಯಾಂಕ್ ರಜೆ ದಿಸಾಂನಿ ಶಿಬಿರಾಂ ಆಸಾ ಕರುನ್ ಕ್ರೀಸ್ತಿ ಮೌಲ್ಯಂ ಉರ್ಜಿತ್ ಕರುಂಕ್ ಪ್ರೇರಣ್ ದಿಲೆ. ಮಾ| ಬಾಪ್ ಅಂತೋನ್ ಲೋಬೊಚಾ ಮುಖೇಲ್ಪ್ಣಾಖಾಲ್ ಗಾಂವ್ಚ್ಯಾ ಆನಿ ಪರ್ಗವಾಂತ್ಲ್ಯಾ ದಾನಿಂಚಾ ಸಹಕಾರಾನ್ ರೂ. 35 ಲಾಖ್ ಖರ್ಚ್ ಕರ್ನ್ ಇಗರ್ಜೆಚೆ ಸೊಭಿತ್ ಬಾಂದಾಪ್ ಉಬೆಂ ಕೆಲೆ. ಸಹಾಯಕ್ ಗೊವ್ಳಿ ಬಾಪ್ ಜಾವ್ನಸ್‌ಲ್ಲ್ಯಾ ಅ|ಮಾ|ದೊತೊರ್ ಎಲೋಶಿಯಸ್ ಪಾವ್ಲ್ ಡಿಸೋಜ ಹಾಣೆಂ 26.5.1997 ತಾಚೆರ್ ಆಶೀರ್ವಚನ್ ಕೆಲೆಂ. ಕೋಲಾರ್‌ಖಾನ್ ಎಸ್ಟೇಟಿಚೊ ಮಾಲಕ್ ಮಾನೆಸ್ತ್ ರುಡೊಲ್ಫ್ ಮಸ್ಕರೇನಸ್ ಹಾಣೆಂ ದಿಲ್ಲ್ಯಾ ದುಡ್ವಾಚಾ ಕುಮ್ಕೆನ್ ರೂ. 2.5 ಲಾಖ್ ಖರ್ಚುನ್ 55 ಪೂಟ್ ಉಬಾರಾಯೆಚಿ ಘಾಂಟಿಚಿ ತೋರ್ ಉಬರ‍್ಲಿ. ಆನೆಗುಡ್ಡೆಂತ್ ಮಾಡಾ ಕಾವತೆ ಲಾವ್ನ್ ಬೋರ್‌ವೆಲ್ ಕಾಡ್ನ್ ಉದ್ಕಾಚಿ ವ್ಯವಸ್ಥಾ ಕೆಲಿ. ಆನೆಗುಡ್ಡೆ ಇಸ್ಕಲಾಕ್ ಏಕ್ ವಿಸ್ತಾರ್ ಆಫಿಸ್ ರೂಮ್ ಇಸ್ಕಲಾಕ್ ಗೇಟ್ ಕರ್ನ್ ಮಾಡಕಾವತೆ ಆನಿ ಭಿಯೆಚ್ಯೊ ಸಸಿ ಲಾಯ್ಲ್ಯೊ. ವರ್ಸಾವಾರ್ ಇಸ್ಕಲಾಂತ್ ಭುರ‍್ಗ್ಯಾಂಕ್ ತಾಲೆಂತಾ ಉರ್ಜಿತ್ ಕರುಂಕ್ ವಾರ್ಷಿಕೋತ್ಸವ್ ಆನಿ ದೊತೊರ್ನಿಚೊ ದೀಸ್ ಆಸಾ ಕೆಲೊ. ವಾಡ್ಯಾವಾರ್ ಆಸ್ಚೊ ಲ್ಹಾನ್ ಸಮುದಾಯ್ ಹಾಂಚಾ ಪ್ರಯತ್ನಚೆಂ ಫಳ್ ಜಾವ್ನಾಸಾ ಆನಿ ಸ್ಟೇಜ್ ಬಾಂಧುನ್ ದಿಲಿ. ಪೆಂಚಾರ್ ತೋಟಾಂತ್ ವಿಶೇಷ್ ವಾವ್ರ್ ದಿಂವ್ಕ್ ಹಾಂಚಾ ಕಾಳಾರ್ ಥಾವ್ನ್ ಫಿರ್ಗಜೆಕ್ ಪೆಂಚಾರ್ ತೋಟ ಥಾವ್ನ್ ಆದಾಯ್ ಆರಂಭ್ ಜಾಲೊ. ಸಬಾರ್ ದೆಣ್ಯಾಂನಿ ಆನಿ ತಾಲೆಂತಾನಿ ಭರ್‌ಲ್ಲೊ ವಿಶಿಷ್ಟ್ ವ್ಯಕ್ತಿತ್ವಚೆ ಯಾಜಕ್ ತೆ ಜಾಲ್ಲ್ಯಾನ್ ಶಿರ್ತಾಡಿ ಪರಿಸರಾಂತ್ ನಾಂವಾಡ್ದಿಕ್ ಜಾಲೆ. ಲೊಕಾ ಮೊಗಾಳ್ ಜಾವ್ನ್ ಲೊಕಾಚಾ ಕಾಳ್ಜಾಂನಿ ಸದಾನೀತ್ ಜಿವೆಂ ಉರ‍್ಲೆಂ.
ಮಾ| ಬಾಪ್ ಲಿಯೊ ಲೋಬೊ (20.5.1988 - 16.5.2005)
ಬೆಳ್ಳೂರ್ ಥಾವ್ನ್ ಶಿರ್ತಾಡಿಕ್ ವಿಗಾರ್ ಜಾವ್ನ್ ಆಯಿಲ್ಲೆ ದಡಂಗ್ ಜೀವಾಚೆ ತರಿ ಹಾಸ್ತ್ಯಾ ತೊಂಡಾಚೆ ಜಾವ್ನ್ ಫಿರ್ಗಜೆಚ್ಯಾ ಸರ್ವ್ ಲೊಕಾಕ್ ಥೊಡ್ಯಾಚ್ ತೆಂಪಾ ಭಿತರ್ ಲೊಕಾ ಮೊಗಾಳ್ ಜಾಂವ್ಕ್ ಪಾವ್ಲೆ. ಫಿರ್ಗಜೆಚ್ಯಾ ಹರ್ಯೆಕಾ ಕುಟ್ಮಾಂಕ್ ಭೆಟ್ ದೀವ್ನ್ ಲೊಕಾಚಿ ಪರಿಸ್ತಿತಿ ಸಮ್ಜೊವ್ನ್ ಘೆವ್ನ್ ತಾಂಚ್ಯಾ ಗರ್ಜಾಂಕ್ ಪಾಂವ್ಚೆo ದಾತಾರ್ ಜಾಂವ್ಕ್ ಪಾವ್ಲೆ. ವಿಗಾರಾಚೆ ವಸ್ತೆ ಘರ್ ಪೊರ್ನೆಂ ಜಾಲ್ಲ್ಯಾನ್ 2001 ಇಸ್ವೆಂತ್ ಘರಾಕ್ ಬುನ್ಯಾದ್ ಗಾಲಿ. ಗಾಂವಾ ಆನಿ ಪರ್ಗಂವಾತ್ಲ್ಯಾ ದಾನಿಂಚಾ ಸಹಕಾರಾನ್ ರೂ. 15 ಲಾಖಾಂಚೆ ಯೋಜನ್ ಎಕಾ ರ‍್ಸಾ ಭಿತರ್ ಸಂಪೈಲೆo. ಇಸ್ಕಲಾಂಚಾ ಭುರ‍್ಗ್ಯಾಂಕ್ ಜಾಯ್ ಪುರ್ತಿ ಉದ್ಕಾಚಿ ವ್ಯವಸ್ಥಾ ನಾತ್‌ಲ್ಲ್ಯಾನ್ ಬೋರ್‌ವೆಲ್ ಕಾಡ್ನ್ ರೋಟರಿ ಕ್ಲಬಾಚಾ ಸಹಕಾರಾನ್ ರೂ. 2.5 ಲಾಕ್ ಖರ್ಚ್ ಕರ್ನ್ ಟ್ಯಾಂಕಿಚಿ ವ್ಯವಸ್ಥಾ ಕೆಲಿ. ಹ್ಯಾ ನಿಮ್ತಿಂ ಇಸ್ಕಲಾಚ್ಯಾ ಭುರ‍್ಗ್ಯಾಂಕ್ ಬರ್ಪೂರ್ ಉದ್ಕಾಚಿ ವ್ಯವಸ್ಥಾ ಜಾಲಿ. ಇರ್ಗರ್ಜೆಚೆಂ ಇಸ್ಕಾಲ್ ಪೊರ್ನೆಂ ಜಾಲ್ಲ್ಯಾನ್ ರೂ. 40 ಥಾವ್ನ್ 50 ಲಾಕ್ ಖರ್ಚ್ ಕರ್ನ್ ಇಸ್ಕಾಲಾಕ್ ಮಜ್ತ್ ಆನಿ ಆಕರ್ಷಕ್ ಬಾಂದಾಪ್ ಬಾಂಧೈಲೆo. ಕೊಣೆಂಯೀ ಚಿಂತುoಕ್ ನಾತ್ ಲ್ಲೆ ಬರಿ ಹಿಂ ದೊನಿಂ ಯೋಜನಾಂ ಯಶಸ್ವಿ ಥರಾನ್ ಪೊಂತಾಕ್ ಪಾವೈಲ್ಲಿ ಕೀರ್ತ್ ಶಾಥಿ ಮೊಗಾಳ್ ವಿಗಾರ್ ಬಾಪಾಂಚಿ ಹೆಂ ನೊವೆಂ ಇಸ್ಕಾಲ್ 31.12.2003 ತಾರಿಕೆರ್ ರುಡೊಲ್ಪ್ ಮಸ್ಕರೇನಸ್ ಹಾಣಿಂ ಉದ್ಘಾಟನ್ ಕರ್ನ್ ಮಂಗ್ಳುರ್‌ಚೊ ಗೊವ್ಳಿಬಾಪ್ ಅ|ಮಾ|ದೊ| ಎಲೋಶಿಯಸ್ ಪಾವ್ಲ್ ಡಿಸೋಜ ಹಾಣೆಂ ಆಶೀರ್ವಚನ್ ಕೆಲೆಂ. ನವ್ಯಾ ಇಸ್ಕಲಾಕ್ ರೋಟರಿ ಕ್ಲಬಾಚಾ ಸಹಕಾರಾನ್ ರೂ. 3 ಲಾಖಾಂಚಿ ಫರ್ನಿಚರಾಂ ಕರ‍್ಚೆ ಯೋಜನ್ ಹಾತಿಂ ಘೆತ್ಲಾ. ಶಿರ್ತಾಡಿ ಪರಿಸರಾಂತ್ಲಿ ಸಬಾರ್ ಭುರ್ಗಿಂ ಮೂಡಬಿದ್ರೆ ಇಂಗ್ಲೀಷ್ ಮಾಧ್ಯಮ್ ಇಸ್ಕಲಾಕ್ ವೆತಾತ್ ಜಾಲ್ಲ್ಯಾನ್ ಶಿರ್ತಾಡಿ ಪರಿಸರಾಂತ್ ಕ್ರಿಸ್ತಾಂವ್ ಶಿಕ್ಷಣ್ ಸಂಸ್ಥ್ಯಾಖಾಲ್ ಬೊರೆಂ ಶಿಕಾಪ್ ಮೆಳ್ಚೆಂ ಖಾತಿರ್ ಇಂಗ್ಲೀಷ್ ಮಾಧ್ಯಮ್ ಇಸ್ಕಾಲ್ 16.07.2004 ವೆರ್ ಪ್ರಾರಂಭ್ ಕೆಲೆ. ಕೃಷಿಯೆಂತ್ ವಿಶೇಷ್ ಉಮೆದ್ ಆಸೊನ್ ಪೆಂಚಾರಾoತ್ ರಬ್ಬರ್ ತೋಟಾಚೆ ಅಭಿವೃದ್ಧಿ, ಆನೆಗುಡ್ಡೆಂತ್ ಮಾಡಾಂಚಿ ಅಭಿವೃದ್ಧಿ ಕೆಲಿ. ಮಾಡಿಯೆ ಕಾವತೆ ಲಾವ್ನ್ ಫಿರ್ಗಜ್ ಆರ್ಥಿಕ್ ರಿತಿನ್ ಘಟ್ ಜಾಂವ್ಕ್ ವರ್ತಿ ಮಿನತ್ ಕಾಡ್ನ್ ಆಸಾತ್. ಸಾಂ. ತೆರೆಜ್ ವಾಡ್ಯಾಚ್ಯಾ ಮಾನೆಸ್ತ್ ವಲೇರಿಯನ್ ಪಿಂಟೊಚಾ ಆರ್ಥಿಕ್ ಕುಮ್ಕೆನ್ ಇಗರ್ಜೆಕ್ ಜನರೇಟರಾಚಿ ವ್ಯವಸ್ಥಾ ಕರ್ನ್ ನಿರಂತರ್ ವೀಜ್ ಸಕ್ತೆಚಿ ವ್ಯವಸ್ಥಾ ಆಸಾ ಕೆಲಿ.
ಮಾ| ಬಾಪ್ ಪಾವ್ಲ್ ಡಿಸೋಜ (16.5.2005 - 10.6..2006)
ಮಾ| ಬಾಪ್ ಎಲಿಯಾಸ್ ಡಿಸೋಜ (10.6.2006 - 08.6.2014)
ಮಾ| ಬಾಪ್ ಫ್ರಾನ್ಸಿಸ್ ಕ್ರಾಸ್ತಾ (08.06.2014 - 29.7.2020 )
ಮಾ| ಬಾಪ್ ಹೆರಾಲ್ಡ್ ಮಸ್ಕರೇನಸ್ (27.7.2020 - )