ಭಾಷಣ್ ಸ್ಪರ್ಧೊ

ಕಥೋಲಿಕ್ ಸಭಾ ಶಿರ್ತಾಡಿ ಘಟಕಾನ್ ನವೆಂಬರ್ 10 ತಾರಿಕೆರ್ ಮಾಂಡುನ್ ಹಾಡ್‌ಲ್ಲ್ಯಾ ಭಾಷಣ್ ಸ್ಪರ‍್ದ್ಯಾಂತ್ 30 ಜಣಾಂ ಭುರ‍್ಗ್ಯಾಂನಿ ಭಾಗ್ ಘೆತ್ಲೊ.  ಭುರ‍್ಗ್ಯಾಂ ಸಂಗಿo ತಾಂಚಿ ವ್ಹಡಿಲಾಯಿ ಹಾಜರ್ ಆಸ್‌ಲ್ಲಿ. ವರಯ್ಣಾರ್ ಜಾವ್ನ್ ರಿಚರ್ಡ್ ಕಾರ್ಡೊಜ- ಸಂಪಿಗೆ, ಆನಿ ಪ್ರಮೀಳಾ ಮಿನೇಜಸ್ – ಗಂಟಾಲ್‌ಕಟ್ಟೆ ಹಾಜರ್ ಆಸ್‌ಲ್ಲಿ. ವಿಗಾರ್ ಬಾಪಾಂಕ್, ವರಯ್ಣಾರಾಂಕ್ ಆನಿ ಜಮ್ಲೆಲ್ಯಾ ಸಮೇಸ್ತಾಂಕ್ ಕಥೋಲಿಕ್ ಸಭೆಚೊ ಉಪಾಧ್ಯಕ್ಷ್ ಶ್ರೀ ನೆಲ್ಸನ್ ಡಿಸೋಜ ಹಾಣಿಂ ಸ್ವಾಗತ್ ಕೆಲೊ. ವಿಗಾರ್ ಬಾಪಾಂನಿ ಆಪ್ಲ್ಯಾ ಸಂದೇಶಾoತ್ ವ್ಹಡಾ ಸಂಖ್ಯಾನ್ ಹಾಜರ್ ಆಸ್‌ಲ್ಲ್ಯಾ ಭುರ‍್ಗ್ಯಾಂಕ್ ಉಲ್ಲಾಸುನ್ ಭಾಷಣ್ ಸ್ಪರ್ಧೊ ಮಾಂಡುನ್ ಹಾಡ್‌ಲ್ಲ್ಯಾ ಕಥೋಲಿಕ್ ಸಭೆಚ್ಯಾ ಸಾಂದ್ಯಾoಕ್ ಶಾಭಾಸ್ಕಿ ಪಾಟಯ್ಲಿ. 5 ವಿಭಾಗಾಂನಿo ಭಾಷಣ್ ಸ್ಪರ್ಧೊ ಆಸ್‌ಲ್ಲೊ ಹಾಂತು ಜಿಕ್ಲೆಲ್ಯಾ ಭುರ‍್ಗ್ಯಾಂಕ್ ಪಯ್ಲೆಂ, ದುಸ್ರೆಂ ಆನಿ ತಿಸ್ರೆಂ ಇನಾಮ್ ಆನಿ ಭಾಗ್ ಘೆತ್‌ಲ್ಲ್ಯಾ ಸರ್ವ್ ಭುರ‍್ಗ್ಯಾಂಕ್ ಸಮಾಧಾನಕರ ಇನಾಮಾ ವಿಗಾರ್ ಬಾಪಾನಿಂ  ವಾಂಟ್ಲಿ. ಆಯಿಲ್ಲ್ಯಾ ಸರ್ವಾಂಕ್ ಬಿಸ್ಕಿಟ್ ಆನಿ ಥಂಡ್ ಪೀವನಾಚಿ ವ್ಯವಸ್ಥಾ ಕೆಲ್ಲಿ. ಶ್ರೀಮತಿ ಪ್ರೀತಿ ಪೆರಿಸಾನ್ ಜಮ್ಲೆಲ್ಯಾ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆಂ ಸಾಂಗಾತಾಚ್ ಭಾಷಣ್ ಸ್ಪರ‍್ಧ್ಯಾಚಿ ಜವಬ್ದಾರಿ ವಹಿಸಿಲ್ಲ್ಯಾ ನಿಕಟ್ ಪೂರ್ವ್ ಅಧ್ಯಕ್ಷ್ ಕ್ಲಾರ ಮಿರಾಂದಾಚೊ ಉಪ್ಕಾರ್ ಭಾವುಡ್ಲೊ.