ಮುಳಾವಿ ಕ್ರಿಸ್ತಾಂವ್ ಸಮುದಾಯವಿಶಿಂ ತರ್ಬೇತಿ 

ಜೆಜುಚ್ಯಾ ಜಲ್ಮಾಚ್ಯಾ ಜುಬ್ಲೆವಾಚಾ ಸಂದರ್ಭಿ ಜುಬ್ಲೆವ್ ಸಮಿತಿ ಆನಿ ಲ್ಹಾನ್ ಕ್ರಿಸ್ತಾಂವ್ ಸಮುದಾಯಚಾ ಮುಕೇಲ್ಪಣಾಖಾಲ್ ಆಗಸ್ಟ್ ಮಹಿನ್ಯಾಚ್ಯಾ 17 ತಾರಿಕೆರ್ ಮುಳಾವಿ ಕ್ರಿಸ್ತಾಂವ್ ಸಮುದಾಯವಿಶಿಂ ತರ್ಬೇತಿ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಫಿರ್ಗಜ್ ವಿಗಾರಾ ಸಂಗಿo ಮುಳಾವಿ ಕ್ರಿಸ್ತಾಂವ್ ಸಮುದಾಯಚೊ ನಿರ್ದೇಶಕ್ ಮಾನಾದಿಕ್ ಸುನಿಲ್ ಡಿಸೋಜ ಬಾಪಾನಿಂ ಮಿಸಾಚೆಂ ಬಲಿದಾನ್ ಭೆಟೊವ್ನ್ ಮುಳಾವಿ ಕ್ರಿಸ್ತಾಂವ್ ಸಮುದಾಯ ವಿಶಿಂ ಜೊಕ್ತೊ ಸಂದೇಶ್ ದಿಲೊ. ಮಿಸಾಂ ಉಪ್ರಾಂತ್ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಆಯಿಲ್ಲ್ಯಾ ಬಾಪಾ ಸುನಿಲ್ ಡಿಸೋಜ ಹಾಂಕಾ ಶ್ರೀಮತಿ ಜೆಸಿಂತಾ ಡಿಸೋಜನ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೊ. ವಾಡ್ಯಾ ಜಮಾತ್ ಕಿತ್ಯಾಕ್ ಗರ್ಜೆಚಿ, ಹಾಚೊ ಇರಾದೊ ಕಸಲೊ ಆನಿ ಕಶೆಂ ಹಾಂತು ವಾಂಟೊ ಘೆಂವ್ಚೊ, ತಶೆಂಚ್ ಸಮುದಾಯ್ ಬಾಂಧುನ್ ಹಾಡ್ಚಾತ್  ಆಮ್ಚೊ ಪಾತ್ರ್ ಕಿತೆಂ ಆನಿ ಕಶೆಂ ಆಮ್ಚೊ ಸಮುದಾಯ್ ಬಳ್ವಂತ್ ಕರ‍್ಯೆತ್ ಮ್ಹಳ್ಳ್ಯಾ ವಿಶಿಂ ಮಾಹೆತ್ ದಿಲಿ. ಉಪ್ರಾಂತ್ ಥೊಡೊ ವೇಳ್ ಹ್ಯಾ ವಿಷಯಾಚೆರ್  ವಿಚಾರ್ ವಿನಿಮಯ್ ಕೆಲೊ. ಸುಮಾರ್ 78 ಜಣಾಂನಿo ಪಾತ್ರ್ ಘೆತ್ಲೊ. ಲ್ಹಾನ್ ಕ್ರಿಸ್ತಾಂವ್ ಸಮುದಾಯಚೊ ಸಂಚಾಲಕ್ ಶ್ರೀ ಕ್ಲೆರೇನ್ಸ್ ಡಾಯಸ್ ಹಾಣೆಂ ತರ್ಬೇತಿ ದಿಲ್ಲ್ಯಾ ಬಾಪ್ ಸುನಿಲ್ ಸೋಜಾಚೊ, ವಿಗಾರ್ ಬಾಪಾಚೊ, ಜುಬ್ಲೆವ್ ಸಮಿತಿಚ್ಯಾ ಸಾಂದ್ಯಾoಚೊ ಆನಿ ತರ್ಬೆತಿಂತ್ ಪಾತ್ರ್ ಘೆತ್‌ಲ್ಲ್ಯಾ ಸರ್ವ್ ಫಿರ್ಗಜ್ಗಾರಾಂಚೊ ಉಪ್ಕಾರ್ ಭಾವುಡ್ಲೊ.