ಮೊಂತಿ ಫೆಸ್ತ್ -2025

ಸಪ್ಟೆಂಬರ್ 8 ತಾರಿಕೆರ್ ಶಿರ್ತಾಡಿ ಫಿರ‍್ಗಜೆಂತ್ ಬಾಳಕ್ ಮರಿಯೆಚ್ಯಾ ಜಲ್ಮಾಚೆಂ ಮೊಂತಿ ಫೆಸ್ತ್ ವ್ಹಡ್ ದಬಾಜಾನ್ ಆಚರಣ್ ಕೆಲೆಂ. ಸಕಾಳಿಂ 8.30 ವರಾರ್  ಇಗರ್ಜೆಚ್ಯಾ ಗ್ರೊಟ್ಟ್ಯಾಲಾಗಿಂ ಕನ್ಶಿ ಬೆಂಜಾರ್ ಕರ್ನ್ ಆನಿ ಬಾಳೊಕ್ ಮರಿಯೆಕ್ ಫುಲಾಂ  ಅರ‍್ಪುನ್ ಪುರ‍್ಶಾ೦ವಾರ್ ಇಗರ್ಜೆಕ್ ಯೇವ್ನ್ ವಿಗಾರಾನ್ ಸಂಭ್ರಮೀಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಸಯ್ರೆಂ ಯಾಜಕ್ ಜಾವ್ನ್ ಬಾಪ್ ದೀಪಕ್ ನೊರೊನ್ಹಾ ಹಾಣಿಂ ತ್ಯಾ ದಿಸಾಚೊ ಜೊಕ್ತೊ ಸಂದೇಶ್ ದಿಲೊ. ಮಿಸಾ ಉಪ್ರಾಂತ್ ಬೆಂಜಾರ್ ಕೆಲ್ಲಿ ಕನ್ಶಿ ಸರ‍್ವಾಂಕ್ ವಾಂಟ್ಲಿ.  ಉಪ್ರಾಂತ್ ವಾಹನಾಂ ಬೆಂಜಾರ್ ಕೆಲಿಂ. ಮೊಂತಿ ಸಾಯ್ಬಿಣಿಚ್ಯಾ ಫೆಸ್ತಾ ತರ್ಪೆನ್ ಐಸಿವೈಎಮ್‌ಚ್ಯಾ ಮುಖೇಲ್ಪಣಾಖಾಲ್ ಫಿರ್ಗಜ್‌ಗಾರಾಂಕ್ ಮಾಂಡುನ್ ಹಾಡ್‌ಲ್ಲ್ಯಾ ಖೆಳಾಂತ್ ಜಿಕುನ್ ಆಯಿಲ್ಲ್ಯಾಂಕ್ ಇನಾಮಾ ವಾಂಟ್ಲಿ.  ವಾಹನ್ ಮಾಲಕ್ ಸಂಘಾಚ್ಯಾ ಸಾಂದ್ಯಾ೦ನಿ ಫೆಸ್ತಾಚೆಂ  ಮುಖೇಲ್ಪಣ್ ಘೆತ್ಲೆಂ. ನಿಮಾಣೆಂ ಸರ‍್ವಾಂಕ್  ವೋರ್ನ್, ಫಳಾರ್  ವಾಂಟ್ಲೆ.