ಕಾಜಾರಿ ಜೊಡ್ಯಾಂಚೊ ದೀಸ್ ಆಚರಣ್ - 29.06.2025

ಜೆಜುಚ್ಯಾ ಜಲ್ಮಾಚಾ ಜುಬ್ಲೆವ್ ಸಂದರ್ಭಾರ್ ಹ್ಯಾಚ್ ಜೂನ್ ಮಹಿನ್ಯಾಚ್ಯಾ 29ವೆರ್ ಫಿರ್ಗಜೆಂತ್ ಕಾಜಾರಿ ಜೊಡ್ಯಾಂಚೊ ದೀಸ್ ಆಚರಣ್ ಕೆಲೊ.                  ಮಾ| ದೊ| ಲಿಯೊ ಪ್ರವೀಣ್ ಲಸ್ರಾದೊ ಬಾಪಾನಿಂ ಮೀಸ್ ಭೆಟವ್ನ್, ಕಾಜಾರಿ ಜಿವಿತಾಚೊ ಮಹತ್ವವಿಶಿಂ ಪ್ರಸಂಗದ್ವಾರಿ ಸರ್ವ್ ಲೊಕಾಕ್ ಸಂದೇಶ್ ದಿಲೊ.            ಮಾ| ಆಲ್ವಿನ್ ಸೋಜ್ ಬಾಪ್, ದಿಯೆಸೆಜಿಚ್ಯಾ ಕುಟ್ಮಾ ಜಿವಿತ್ ಕೇಂದ್ರಾಚೆ0 ನಿರ್ದೇಶಕ್ ಹಾಣಿಂ ಸರ್ವ್ ಜೊಡ್ಯಾಂಕ್ ವೆದಿಚೆರ್ ಲಾಗಿಂ ಹಾಡ್ನ್ ತಾಂಚೆ0 ಪಾಸೊನ್ ಮಾಗ್ಣೆಂ ಭೆಟಯ್ಲೆಂ.

ಮಿಸಾ ಉಪ್ರಾಂತ್ಲ್ಯಾ ಕಾರ‍್ಯಕ್ರಮಾಂತ್ ಶ್ರೀಮಾನ್ ಆಲ್ಬನ್ ರೊಡ್ರಿಗಸ್ ಹಾಣಿಂ ಕಾಜಾರೀ ಜೊಡ್ಯಾಂನಿ0 ತಾಂಚ್ಯಾ ಜಿವಿತಾಂತ್ ಪಾಳಿಜಯ್ ಜಾಲ್ಲಿ ಪ್ರಮುಖ್ ಸಂಗ್ತಿ0 ಗಮಾನಾಕ್ ಹಾಡ್ಲ್ಯೊ. ಸಬಾರ್ ಖೆಳಾದ್ವಾರಿ ವಿವಿಧ್ ಸಂದೇಶ್ ಆನಿ ಹಿಶಾರೆ ಮಾ| ಆಲ್ವಿನ್ ಬಾಪಾನಿಂ ದಿಲೆಂ. ಫಿರ್ಗಜೆಚ್ಯಾ 35 ಕಾಜಾರಿ ಜೊಡ್ಯಾಂನಿ0 ಪಾತ್ರ್ ಘೆತ್ಲೊ. ಫಿರ್ಗಜೆಚೆಂ ಮಾ| ತೊಮಾಸ್ ಡಿಸಿಲ್ವ ಬಾಪ್ ಮಿಸಾಕ್ ಹಾಜರ್ ಆಸ್‌ಲ್ಲೆಂ. ಅರ್ಸುಲೈನ್ ಪ್ರಾನ್ಸಿಸ್ಕಾನ್ ಲಾಯಿಕ್ ಸಂಘಟನಚ್ಯಾ ಸಾಂದ್ಯಾನಿ0 ದೇವ್‌ಸ್ತುತಿ ಚಲವ್ನ್ ವೆಲಿ. ಅರುಣ್ ಫೆರ್ನಾಂಡಿಸಾನ್ ಜೆವ್ಣಾಚಿ ವ್ಯವಸ್ಥಾ ಕೆಲಿಂ. ಶ್ರೀ ವಿಲ್ಪೆಡ್ ಪಿಂಟೊ ಆನಿ ವಿವೇಕ್ ಡಿಕೋಸ್ತನ್ ಕಾರ‍್ಯಾಚಿಂ ಮಾಂಡವಳ್ ಕೆಲಿ. ವಿಗಾರ್‌ಬಾಪಾನಿಂ ಜುಬ್ಲೆವ್ ಸಮಿತಿಚ್ಯಾ ಸಾಂದ್ಯಾ0ಚೊ ತಶೆಂ ಕುಮೊಕ್ ಕೆಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ.