ಕಾರ್ಮೆಲ್ ವಾಡ್ಯಾಂತ್ಲ್ಯಾ ಗರ್ಜೆವಂತಾ ಸಂಗಿo ಸಹಮಿಲನ್

ಕಾರ್ಮೆಲ್ ವಾಡ್ಯಾಂತ್ಲ್ಯಾ ಸರ್ವ್ ಗರ್ಜೆವಂತ್ ಭಾವಾ ಭಯ್ಣಿ ಸಂಗಿo ನವೆಂಬರ್ ಮಹಿನ್ಯಾಚ್ಯಾ 24 ತಾರಿಕೆರ್ ಸಾಂಜೆರ್ 7:೦೦ ವ್ಹರಾಂಚೆರ್ ಇನಾಸ್ ಗೋವಿಯಸಚ್ಯಾ ಘರಾ ಏಕ್ ಸಹಮಿಲನ ಸಂಗಿo ಜೆವಾಣ್ ಆಸಾ ಕೆಲ್ಲೆ. ವಿಗಾರ್ ಬಾಪಾಂನಿ ಮಾಗ್ಣ್ಯಾ ಸವೆಂ ಹೆಂ ಕಾರ‍್ಯೆಂ ಆರಂಭ್ ಕೆಲೆ. ಥೊಡ್ಯಾ ವರ್ಸಾಂ ಥಾವ್ನ್ ಅಸಲೆಂ ಏಕ್ ಮಿಲನ್ ಗರ್ಜ್ ಆಸ್‌ಲ್ಲೆಂ ತೆಂ ಹ್ಯಾ ವರ್ಸಾಂ ದೆವಾನ್ ಫಾವೊ ಕೆಲೆಂ ಮ್ಹಣಾಲೊ ವಿಗಾರ್ ಆನಿ ಆಧಾರ್ ದಿಲ್ಲ್ಯಾ  ಪ್ರಮೀಳಾ ಆನಿ ಇನಾಸ್ ಗೋವಿಯಸಾಚೊ ಉಪ್ಕಾರ್ ಭಾವುಡ್ಲೊ. ಆಮಿ ಸರ್ವಾಂನಿ ತವಳ್ ತವಳ್ ಸಾಂಗಾತಾ ಮೆಳೊವ್ನ್ ಇಗರ್ಜೆಂತ್‌ಯಿ ದೆವಾಚೊ ಉಪ್ಕಾರ್ ಭಾವುಡ್ಚಿ ಗರ್ಜ್ ಆಸಾ ಮ್ಹಳ್ಳೆಂ ಉಗ್ಡಾಸಾಕ್ ಹಾಡ್ಲೆಂ ಆನಿ ಜಕ್ತೊ ಸಂದೇಶ್ ದಿಲೊ. ಆಯ್ಲೆವಾರ್ ಅಂತರ‍್ಲೆಲ್ಯಾ ಭಾವಾ-ಭಯ್ಣಿಂಚೊ ಉಗ್ಡಾಸ್ ಕಾಡ್ನ್ ತಾಂಚೆ ಖಾತಿರ್ ಮಾಗ್ಣೆಂ ಭೆಟಯ್ಲೆ.  ತ್ಯಾ ನಂತರ್ ಜಮ್ಲೆಲ್ಯಾ ಸಮೇಸ್ತಾಂಕ್ ಜ್ಯೋ ಪಿರೇರಾನ್ ಸ್ವಾಗತ್ ಕೆಲೊ ಆನಿ  ಎಕಾಮೆಕಾಚಿ ಚಳಾವಳ್ ವಳಕ್ ಜಾಂವ್ಕ್ ಜ್ಯೋ ಪಿರೇರಾನ್ ಥೊಡೆಂ ಖೆಳ್ ಆಯೋಜನ್ ಕೆಲೆ. ಖೆಳಾಂನಿ ಜಿಕ್‌ಲ್ಲ್ಯಾ ಸಮೇಸ್ತಾಂಕ್ ಇನಾಮಾ ವಾಂಟ್ಲಿ. ಸರ್ವಾಂನಿ ಜೆವ್ಣಾಂತ್ ವಾಂಟೊ ಘೆತ್ಲೊ. ಗುರ್ಕಾರ್ ಜೆನಿಫರ್ ಪಿಂಟೊನ್ ತಾಂಕಾ ಬರೆಂ ಮಾಗ್ಲೆಂ ಆನಿ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ.