ಗೊವ್ಳಿಕ್ ಯೋಜನಾಂ ವಿಶ್ಯಾಂತ್ ತರ್ಬೇತಿ - 2026 

ಕಾರ್ಮೆಲ್ ಮಾಯೆಚಿ ಫಿರ್ಗಜ್ ಶಿರ್ತಾಡಿ ತರ್ಪೆನ್  ಗೊವ್ಳಿಕ್ ಪರಿಷದ್, ಆರ್ಥಿಕ್ ಪರಿಷದ್ ಆನಿ ಆಯೋಗಾಂಚಾ ಸಾಂದ್ಯಾoಕ್ ಗೊವ್ಳಿಕ್ ಯೋಜನಾಂ ವಿಶ್ಯಾಂತ್ ತರ್ಬೇತಿ  ಮಾಂಡುನ್ ಹಾಡ್ಲಿ. ಸಕಾಳಿಂ ಪಯ್ಲ್ಯಾ ಮಿಸಾ ಉಪ್ರಾಂತ್ ಹೆಂ ಕಾರ್ಯೆಂ ಆರಂಭ್ ಜಾಲೆ. ವಿಗಾರ್ ಬಾಪಾಚ್ಯಾ ಅಧ್ಯಕ್ಷ್ಪಣಾಖಾಲ್ ಹೆಂ ಕಾರ್ಯೆಂ ಚಲವ್ನ್ ವೆಲೆ. ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಆಸ್ಟಿನ್ ಡೇಸಾ, ಕಾರ್ಯದರ್ಶಿ ಸಿಲ್ವಿಯಾ ಡೇಸಾ ಆನಿ ಆಯೋಗಾಂಚೊ ಸಂಯೋಜಕ್ ವಿಲ್ಫೆಡ್ ಪಿಂಟೊ, ಆನೆಗುಡ್ಡೆ  ಫಿರ್ಗೆಜೆಚೊ ವಿಗಾರ್ ಬಾಪ್ ಗಿಲ್ಬರ್ಟ್ ಡಿಸೋಜ, ಆನೆಗುಡ್ಡೆ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್, ಕಾರ್ಯದರ್ಶಿ ಆನಿ ಆಯೋಗಾಂಚೊ ಸಂಯೋಜಕ್,  ತಶೆಂಚ್ ತರ್ಭೇತ್ ದಾರ್ ಜಾವ್ನ್ ಆಮ್ಚ್ಯಾ ದಿಯೆಸೆಜಿಚೊ ಜುಡಿಶಿಯಲ್ ವಿಗಾರ್ ಆನಿ ಆಯೋಗಾಂಚೊ ಸಂಚಾಲಕ್ ಮಾನಾದಿಕ್ ಬಾಪ್ ನವೀನ್ ಪಿಂಟೊ  ಹಾಜರ್ ಆಸ್ಲೆ. ದಿವೊ ಪೆಟೊಂವ್ಚಾ ಮುಕಾಂತ್ರ್ ಹೆಂ ಕಾರ್ಯೆಂ ಉದ್ಘಾಟನ್ ಕೆಲೆಂ.  ವಿಗಾರ್ ಬಾಪಾಂನಿ ಸಂದೇಶ್ ದಿಲೊ. ಕಾರ್ಯದರ್ಶಿ ಸಿಲ್ವಿಯಾ ಡೇಸಾನ್ ಸ್ವಾಗತ್ ಕೆಲೊ. ಉಪ್ರಾಂತ್ ತರ್ಬೇತ್ ಕಾರ್ಯೆಂ ಬಾಪ್ ನವೀನ್ ಪಿಂಟೊನ್ ಚಲವ್ನ್ ವೆಲೆ. ಸುಮಾರ್ 2 ಗಂಟ್ಯಾಚಿ ತರ್ಭೇತ್  ಬರ‍್ಯಾ ಥರಾನ್ ಚಲ್ಲಿ. ಹ್ಯಾ ಕಾರ್ಯಾಕ್ ಆನೆಗುಡ್ಡೆ ಫಿರ್ಗಜ್ಗಾರಾಂ ಹಾಜರ್ ಆಸ್ಲಿ. ಉಪಾಧ್ಯಕ್ಷ್ ಆಸ್ಟಿನ್ ಡೇಸಾನ್ ಧನ್ಯವಾದ್ ಪಾಟಯ್ಲೆಂ.