ಜುಬ್ಲೆವ್ ವರ್ಸಾಚೆಂ ಆನಿ ಕ್ರೀಸ್ತಿ ಶಿಕ್ಷಣಾಚೆಂ ಸಮಾರೋಪ್ ಕಾರ‍್ಯೆಂ - 2025

ಜೆಜುಚ್ಯಾ ಜಲ್ಮಾಚೊ ಜುಬ್ಲೆವ್ 2025 ಚೆಂ ಸಮಾರೋಪ್ ಕಾರ‍್ಯೆಂ ಕ್ರಿಸ್‌ಮಸ್ ರಾತಿಂ 25 ತಾರಿಕೆರ್ ಮಾಂಡುನ್ ಹಾಡ್ಲೆ. ಇಗರ್ಜೆಚ್ಯಾ ಮೈದಾನರ್                             ಮಾ|ದೊ| ಪ್ರವೀಣ್ ಜೋಯ್ ಸಲ್ಡಾನ್ಹ ಬಾಪ್ ಮುಖೇಲ್ ಸಯ್ರೆಂ ಜಾವ್ನ್, ಫಿರ್ಗಜೆಚೊ ವಿಗಾರ್, ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್, ಕಾರ‍್ಯದರ್ಶಿ, ಆಯೋಗಾಂಚೊ ಸಂಯೋಜಕ್, ಐ.ಸಿ.ವೈ.ಎಮ್. ಅಧ್ಯಕ್ಷ್, ಕ್ರೀಸ್ತಿ ಶಿಕ್ಷಣಾಚಿ ಸಂಯೋಜಕಿ ವೆದಿಚೆರ್ ಹಾಜರ್ ಆಸ್ಲಿಂ. ಕ್ರಿಸ್‌ಮಸ್ ಕೇಕ್ ಕಾತರ್ನ್ ಕಾರ‍್ಯೆಂ ಉದ್ಘಾಟನ್ ಕೆಲೆ. ಕಾರ‍್ಯದರ್ಶಿನ್ ಜುಬ್ಲೆವ್ ವರ್ಸಾ ಹಾತಿಂ ಘೆತ್‌ಲ್ಲ್ಯಾ ಸರ್ವ್ ವಾವ್ರಾ ವಿಶಿಂ ಮಟ್ವಿ ವರ್ದಿ ವಾಚ್ಲಿ. ತಶೆಂಚ್ ಹೊ ದೀಸ್ ಕ್ರಿಸ್ತಾಂವ್ ಶಿಕ್ಷಣಾಚೊ ಸಮಾರೋಪ್ ಕಾರ‍್ಯೆಂ ಜಾವ್ನ್ ಆಚರಣ್ ಕೆಲೊ. ದೊತೊರ್ನಿಚ್ಯಾ ಶಿಕ್ಷಣಾಂತ್ ತಶೆಂ ವಿವಿಧ್ ಖೆಳಾ ಸ್ಪರ‍್ದ್ಯಾನಿಂ ಜಿಕ್‌ಲ್ಲ್ಯಾಂಕ್ ಮುಖೇಲ್ ಸಯ್ರ‍್ಯಾನ್ ಇನಾಮಾ ವಾಂಟ್ಲಿo.  ತಶೆಂಚ್ ಕಥೊಲಿಕ್ ಸಭೆನ್ ಆಸಾ ಕೆಲ್ಲ್ಯಾ ಭಾಷಣ್ ಸ್ಪರ‍್ದ್ಯಾoತ್    ಜಿಕುನ್ ಆಯಿಲ್ಲ್ಯಾಂಕ್ ಇನಾಮಾ ವಾಂಟ್ಲಿ. ಜುಬ್ಲೆವ್ ಸಂದರ್ಭಾರ್ ಕೆಲ್ಲ್ಯಾ  ಸರ್ವ್ ವಾವ್ರಾಂಚೊ ಉಲ್ಲೇಕ್  ಕರ್ನ್ ಅಭಿನಂದನ್ ಪಾಟೊವ್ನ್ ಆಪ್ಲೊ ಸಂದೇಶ್ ದಿಲೊ. ವಿಗಾರ್ ಬಾಪಾನಿಂ ಜುಬ್ಲೆವ್ ವಾವ್ರಾಕ್ ಸಹಕಾರ್, ಪಾಟಿಂಬೊ, ದಾನ್ ಆನಿ ಸೆವಾ ದಿಲ್ಲ್ಯಾ  ಜುಬ್ಲೆವ್ ಸಮಿತಿಚೊ ಮನಪೂರ್ವಕಿ ಉಪ್ಕಾರ್ ಭಾವುಡ್ಲೊ. ಉಪ್ರಾಂತ್ ದೊತೊರ್ನಿಚ್ಯಾ  ಭುರ‍್ಗ್ಯಾಂ ಥಾವ್ನ್ ತಶೆಂ ಫಿರ್ಗಜ್ ಸಂಘಟನಾo ದ್ವಾರಿಂ ಸಾಂಸ್ಕತಿಕ್ ಸಂದೇಶ್‌ಭರಿತ್ ಕಾರ್ಯಾಕ್ರಮಾಂ ಸಾದರ್ ಕೆಲ್ಲಿ. ಜೇಸನ್ ಪಿರೇರಾ, ಚಿಂತನ್ ಲೋಬೊ, ಪ್ರಿನ್ಸಿಯಾ ಮಿರಾಂದ, ಅವಿಟಾ ಡಿಸೋಜನ್ ಹೆಂ ಸಗ್ಳೆಂ ಕಾರ‍್ಯೆಂ ಮಾಂಡುನ್ ಹಾಡ್ಲೆ. ಉಂಡ್ಯಾ ಮಾಸಾಚಾ ಜೆವ್ಣಾ ಮಾರಿಫಾತ್ ಕ್ರೀಸ್ತಿ ಶಿಕ್ಷಣಾಚೆಂ ಆನಿ ಜುಬ್ಲೆವಾಚೆ ವರಸ್ ಅಕೇರ್ ಕೆಲೆ.