ಜುಬ್ಲೆವಾಚಾ ವರ್ಸಾಂ ಖುರ್ಸಾಚೆ ಪಯ್ಣ್

ಜುಬ್ಲೆವಾಚಾ ವರ್ಸಾಂ ಘರಾಂನಿ ಪಯ್ಣ್ ಕರುಂಕ್ ಆಸ್ಚೊ ಖುರಿಸ್ ಎಪ್ರಿಲಾಚಾ 05 ತಾರಿಕೆರ್ ಸಾಂಜೆರ್ 4.00 ವರಾಂಚಾ ಮಿಸಾರ್ ಬೆಂಜಾರ್ ಕೆಲೊ. ಉಪ್ರಾಂತ್ ಎಕಾ ಘಂಟ್ಯಾಚೆo ಖುರ್ಸಾಚೆ ಆರಾಧನ್ ಸಯ್ರೆ ಯಾಜಕ್ ಬಾಪ್ ಗಿಲ್ಬರ್ಟ್ ಡಿಸೋಜ ಹಾಣಿಂ ಚಲವ್ನ್ ವೆಲೆ. ಉಪ್ರಾಂತ್ ವಾಡ್ಯಾವಾರ್ ಸಾಂಜೆರ್ 6.00 ಥಾವ್ನ್  ರಾತಿಂ 10.30 ಮ್ಹಣಸರ್ ಖುರ್ಸಾಚೆ ಆರಾಧನ್ ಆಸಾ ಕೆಲ್ಲೆ. ಹಾಂತು ಸರ್ವ್ ವಾಡ್ಯಾಗಾರಾಂನಿo ಭಕ್ತಿಪಣಿ ಪಾತ್ರ್ ಘೆವ್ನ್ ಖುರ್ಸಾಕ್ ಮಾನ್‌ಕೆಲೊ. ಎಪ್ರಿಲಾಚಾ 6 ತಾರಿಕೆರ್ ಆಯ್ತಾರಾ ಸಕಾಳಿಂ 8.೦೦ ವರಾಂಚಾ ಮಿಸಾಕ್ ಆಮ್ಚ್ಯಾ ವಿಗಾರಾ ಸಂಗಿo ಬಾಪ್ ಗಿಲ್ಬರ್ಟ್ ಡಿಸೋಜ ಹಾಣಿಂ ಮಿಸಾಚೆ ಬಲಿದಾನ್ ಭೆಟಯ್ಲೆಂ ಆನಿ ಖುರ್ಸಾಚಾ ಮಹತ್ವ ವಿಶಿಂ ಜೊಕ್ತೊ ಸಂದೇಶ್ ದಿಲೊ. ಮಿಸಾ ಉಪ್ರಾಂತ್ ವಿಗಾರ್‌ಬಾಪಾನಿಂ ಹೊ ಖುರಿಸ್ ಫಿರ್ಗಜೆಂತ್ಲ್ಯಾ ಸರ್ವ್ ಕುಟ್ಮಾoಕ್ ವಚೊಂದಿ ಆನಿ ಹರ್ಯೆಕಾ ಕುಟ್ಮಾಕ್ ಬರೆಪಣ್ ಲಾಭೊಂದಿ ಮ್ಹಣ್ ಸಾಂಗೊನ್ ಸಾಂ. ತೆರೆಜ್ ವಾಡ್ಯಾಚ್ಯಾ ಗುರ‍್ಕಾರಾ ಸಂಗಿ ವಾಡ್ಯಾಗಾರಾಂಕ್ ಹಸ್ತಾಂತರ್ ಕೆಲೊ.