ನತಾಲಾಂ ಫೆಸ್ತಾಚೊ ಸಂಭ್ರಮ್

ಡಿಸೆಂಬರ್ 24 ತಾರಿಕೆರ್ ರಾತಿಂ ಶಿರ್ತಾಡಿ ಫಿರ‍್ಗಜೆಂತ್ ನತಾಲಾಂಚೆಂ ಫೆಸ್ತ್ ವ್ಹಡಾಂ ಸಂಭ್ರಮಾನ್ ಆಚರಣ್ ಕೆಲೆಂ. ರಾತಿಂ 7:00 ವರಾರ್ ಕ್ಯಾರಲ್ಸಾ ದ್ವಾರಿಂ ಕ್ರಿಸ್ಮಸ್ ಆಚರಣ್ ಆರಂಭ್ ಜಾಲೆಂ. ಉಪ್ರಾಂತ್ 7:30 ವರಾರ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಆಸ್ಲೆಂ. ಫಿರ‍್ಗಜ್ ವಿಗಾರಾ ಸಂಗಿ0  ಮಾ.ಬಾ. ರಾಕೇಶ್ ಮಥಾಯಸ್ ಹಾಣಿಂ ಪ್ರಧಾನ್ ಯಾಜಕ್ ಜಾವ್ನ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.  ದೆವಾಚ್ಯಾ ಉತ್ರಾಂಚೆರ್ ನಿಯಾಳ್ ದಿಲೊ. ಆಕೇರಿಕ್ ಬಾಳ್ಕಾಚ್ಯಾ ಉಮ್ಯಾ ಸವೆಂ ಮಿಸಾಚೆಂ ಬಲಿದಾನ್ ಸಂಪ್ಲೆಂ. 

ICYM  ತರ್ಫೆನ್ ಕ್ರಿಸ್ಮಸ್ ಮನೋರಂಜನ್ ಕಾರ‍್ಯೆಂ

ಮಿಸಾ ಉಪ್ರಾಂತ್ ಐ.ಸಿ.ವೈ.ಎಮ್. ಶಿರ್ತಾಡಿ ಘಟಕಾನ್ ಕ್ರಿಸ್ಮಸ್ ಕಾರ್ಯೆಂ ಆಸಾ ಕೆಲ್ಲೆಂ. ಜಮ್‌ಲ್ಲ್ಯಾ ಸರ‍್ವಾಂಕ್ ಕೇಕ್ ಆನಿ  ಪೀವನ್ ವಾಂಟ್ಲೆಂ. ಮಟ್ವೆಂ ವೆದಿ ಕಾರ‍್ಯೆಂ ಮಾಂಡುನ್ ಹಾಡ್ಲೆ. ಕಾರ‍್ಯಾಕ್ ಸೈರೆ ಯಾಜಕ್, ಫಿರ್ಗಜೆಚೊ ವಿಗಾರ್,ಫಿರ‍್ಗಜ್ ಗೊವ್ಳಿಕ್ ಪರಿಷದೆಚೊ ಉಪಧ್ಯಕ್ಷ್ ತಶೆಂಚ್ ಕಾರ್ಯದರ್ಶಿ, ಐ.ಸಿ.ವೈ.ಎಮ್. ಸಚೇತಕ್, ಎಕ್ವೀಸ್ ಆಯೋಗಾಂಚೊ ಸಂಯೋಜಕ್, ಐ.ಸಿ.ವೈ.ಎಮ್. ಅಧ್ಯಕ್ಷ್ ತಶೆಂಚ್ ಕಾರ್ಯದರ್ಶಿ ವೆದಿರ್ ಹಾಜರ್ ಆಸ್ಲಿ. ಹ್ಯಾ ಕ್ರಿಸ್ಮಸ್ ರಾತಿಚೆಂ ಕಾರ‍್ಯೆಂ ನಿರ‍್ವಹಣ್ ಎಲ್ವಿನ್ ಡೆಸಾ ಹಾಣೆಂ ಚಲೊವ್ನ್ ವೆಲೆಂ. ಪಯ್ಶಿಲ್ಯಾ ಗಾವಾ ಥಾವ್ನ್ ಸಾಂತಾಕ್ಲೋಸ್ರ‍್ಯಾ ಕಾರ್ಯಕ್ ಯೇವ್ನ್ ಪಾವ್ಲೆಂ ಆನಿ ತಾಣಿಂ ತಾಂಚೊ ಸಂತೊಸ್ ಸರ‍್ವಾ ಥಂಯ್ ವಾಂಟುನ್ ಘೆತ್ಲೊ . ಐ.ಸಿ.ವೈ.ಎಮ್. ಅಧ್ಯಕ್ಷ್ ಲಿಯೊನ್ನ ಡಿಕೋಸ್ತನ್ ಜಮ್‌ಲ್ಲ್ಯಾ ಸರ‍್ವಾಂಕ್ ಸ್ವಾಗತ್ ದಿಲೊ. ಉಪ್ರಾಂತ್  ಕ್ರಿಸ್ಮಸಾಚೊ ದಬಾಜೊ ಕೇಕ್ ಕತ್ರುಂಚ್ಯಾ ಮಾರಿಫಾತ್ ಸಂತೊಸ್ ಚಡಯ್ಲೊ. ಉಪ್ರಾಂತ್ ವಿಗಾರ್ ಬಾಪಾನಿಂ  ನತಾಲಾಂಚೊ ಸಂದೇಶ್ ಪಾಟಯ್ಲೊ. ಐ.ಸಿ.ವೈ.ಎಮ್. ಘಟಕಾನ್ ಕ್ರಿಸ್ಮಸ್ ಕೇಕ್ ಏಲಂ ಆಸಾಕೆಲ್ಲೆಂ.  ರೂ. 61000/- ರಾಯನ್ ಡಿಸೋಜ ಹಾಣೆಂ ಹಿ ಕೇಕ್ ಆಪ್ಣಾಯ್ಲಿ. ಐ.ಸಿ.ವೈ.ಎಮ್. ಘಟಕಾಚಿ ಕಾರ್ಯದರ್ಶಿ ಅವಿಟಾ ಡಿಸೋಜನ್ ಧನ್ಯವಾದ್ ಪಾಟಯ್ಲೆಂ.  ಉಪ್ರಾಂತ್  ಯುವಜಣಾಂ ಆನಿ ಸಂಘ್ ಸಂಸ್ಥ್ಯಾ ಥಾವ್ನ್ ಮನೋರಂಜನ್ ಕಾರ್ಯಿಂ ಆಸ್‌ಲ್ಲಿಂ.  ಅಶೆಂ ನತಾಂಲಾಂ ಫೆಸ್ತ್ ದಬಾಜಾನ್ ಆಚರಣ್ ಕೆಲೆ.