ನತಾಲಾಂ ಫೆಸ್ತಾಚೊ ಸಂಭ್ರಮ್

ಡಿಸೆಂಬರ್ 24 ತಾರಿಕೆರ್ ರಾತಿಂ ಶಿರ್ತಾಡಿ ಫಿರ‍್ಗಜೆಂತ್ ನತಾಲಾಂಚೆಂ ಫೆಸ್ತ್ ವ್ಹಡಾಂ ಸಂಭ್ರಮಾನ್ ಆಚರಣ್ ಕೆಲೆಂ. ರಾತಿಂ 7:00 ವರಾರ್ ಕ್ಯಾರಲ್ಸಾ ದ್ವಾರಿಂ ಕ್ರಿಸ್ಮಸ್ ಆಚರಣ್ ಆರಂಭ್ ಜಾಲೆಂ. ಉಪ್ರಾಂತ್ 7:30 ವರಾರ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಆಸ್ಲೆಂ. ಫಿರ‍್ಗಜ್ ವಿಗಾರಾ ಸಂಗಿ0, ಬಾಪ್ ಪೀಟರ್ ಪಿಂಟೊ,      ಮಾ|ದೊ| ಪ್ರವೀಣ್ ಜೋಯ್ ಸಲ್ಡಾನ್ಹ ಬಾಪ್ ಹಾಣಿಂ ಪ್ರಧಾನ್ ಯಾಜಕ್ ಜಾವ್ನ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ ಆನಿ  ದೆವಾಚ್ಯಾ ಉತ್ರಾಂಚೆರ್ ನಿಯಾಳ್ ದಿಲೊ. ಆಕೇರಿಕ್ ಬಾಳ್ಕಾಚ್ಯಾ ಉಮ್ಯಾ ಸವೆಂ ಮಿಸಾಚೆಂ ಬಲಿದಾನ್ ಸಂಪ್ಲೆಂ. 

ಮಿಸಾ ಉಪ್ರಾಂತ್ ಐ.ಸಿ.ವೈ.ಎಮ್. ಘಟಕಾನ್ ಕ್ರಿಸ್ಮಸ್ ಕೇಕ್ ಏಲಂ ಆಸಾ ಕೆಲ್ಲೆಂ.  ರೂ. 74000/-  ಜೆರೋಮ್ ಪಿಂಟೊ ಹಾಣೆಂ ಹಿ ಕೇಕ್ ಆಪ್ಣಾಯ್ಲಿ. ಪಯ್ಶಿಲ್ಯಾ ಗಾವಾ ಥಾವ್ನ್ ಸಾಂತಾಕ್ಲೋಸ್ ಕಾರ್ಯಕ್ ಯೇವ್ನ್ ಪಾವ್ಲೆಂ ಆನಿ ತಾಣಿಂ ತಾಂಚೊ ಸಂತೊಸ್ ಸರ‍್ವಾ ಥಂಯ್ ವಾಂಟುನ್ ಘೆತ್ಲೊ. ಉಪ್ರಾಂತ್ ಕ್ರಿಸ್ತಾ ಜನನ್ ಚಲನ್‌ಚಿತ್ರ್ ಪ್ರದಶ್ರನ್  ಆಸಾ ಕೆಲ್ಲೆ. ಅಶೆಂ ನತಾಂಲಾಂ ಫೆಸ್ತ್ ದಬಾಜಾನ್ ಆಚರಣ್ ಕೆಲೆ.