ನವ್ಯಾ ವಿಗಾರಾಕ್ ಸ್ವಾಗತ್

ಮೇ ಮಹಿನ್ಯಾಚ್ಯಾ 14 ತಾರಿಕೆರ್  ತುಂಬೆ ಪಾದರ್ ಮುಲ್ಲರ್ ಸಂಸ್ಥ್ಯಾಚೊ ಆಡಳ್ತೆದಾರ್ ಜಾವ್ನಾಸ್ಚೊ ಮಾನಾದಿಕ್ ಬಾಪ್ ಸಿಲ್ವೆಸ್ಟರ್ ವಿನ್ಸೆಂಟ್ ಲೋಬೊಕ್ ಆಮ್ಚ್ಯಾ ಫಿರ್ಗಜೆಚೊ ವಿಗಾರ್ ಜಾವ್ನ್ ಸ್ವಾಗತ್ ಕೆಲೊ. ದೇವ್ ಮಂದಿರಾoತ್ ಮಾಗ್ಣ್ಯಾವಿಧಿ ತಶೆಂಚ್  ಪ್ರತಿಜ್ನಾವಿಧಿ ಸ್ವೀಕಾರ್ ಕಾರ‍್ಯೆಂ  ಆಸಾ ಕೆಲ್ಲೆಂ. ಹಿ ಮಾಂಡಾವಳ್ ಭಿಸ್ಪಾಚೊ ಪ್ರತಿನಿಧಿ ಜಾವ್ನಾಸ್ಚೊ ಆಮ್ಚ್ಯಾ ವಾರಾಡ್ಯಾಚೊ ವಿಗಾರ್‌ವಾರ್ ಮಾನಾದಿಕ್  ಓನಿಲ್ ಡಿಸೋಜ ಬಾಪಾನಿಂ ಚಲವ್ನ್ ವೆಲೆ.  ಫಾದರ್ ಮುಲ್ಲರ್ಸ್  ಸಂಸ್ಥ್ಯಾಚೊ ಚೇರ್‌ಮ್ಯಾನ್ ಬೋವ್ ಮಾನಾದಿಕ್ ಫಾವೊಸ್ತಿನ್ ಲೋಬೊ ತಶೆಂಚ್ ಆಡಳ್ತೆದಾರ್ ಮಾನಾದಿಕ್ ಬಾಪ್ ಮೈಕಲ್ ಸಾಂತ್ಮಾಯೊರ್ ಆನಿ ಫಾದರ್ ಮುಲ್ಲರ್ ಸಂಸ್ಥ್ಯಾಚೆ ಯಾಜಕ್ ಆನಿ ಬಂಟ್ವಾಳ್ ವಾರಾಡ್ಯಾಚೆಂ ಯಾಜಕ್  ಆನಿ ಹೆರ್ ಯಾಜಕ್ ಹಾಜರ್ ಆಸ್‌ಲ್ಲೆಂ.  ಸುಮಾರ್ 150 ಫಿರ್ಗಜ್‌ಗಾರಾಂ ಹಾಜರ್ ಆಸೊನ್ ನವ್ಯಾ ವಿಗಾರಾಕ್ ಸ್ವಾಗತ್ ಕೆಲೊ. ಕಾರ‍್ಯಾಂ ಉಪ್ರಾಂತ್ ಕಾರ್ಮೆಲ್ ಗಾರ್ಡನಾಂತ್ ಕಾಫಿ ಫಳಾರಾಚಿ ವ್ಯವಸ್ಥಾ ಆಸ್‌ಲ್ಲಿ. ತಶೆಂಚ್ ಮೇಯಚ್ಯಾ 15 ತಾರಿಕೆರ್ ಆಮ್ಚ್ಯಾ ಆದ್ಲ್ಯಾ ವಿಗಾರಾಕ್ ಬೆಳಾ ದುಃಖಿ ಸಾಯ್ಭಿಣಿಚ್ಯಾ ಫಿರ್ಗಜೆಕ್ ಪಾವಯ್ಲೆಂ. ಸುಮಾರ್ 100 ಜಣಾಂ ಹಾಜರ್ ಆಸೊನ್ ಆಮ್ಚ್ಯಾ ಆದ್ಲ್ಯಾ ವಿಗಾರಾಕ್ ವಿದಾಯ್ ಕೆಲೊ ಆನಿ ಬೆಳಾ ಫಿರ್ಗಜೆಕ್ ತಶೆಂಚ್ ತಾಂಚ್ಯಾ ಮುಕ್ಲ್ಯಾ ಮಿಸಾಂವಾಕ್ ಬರೆಂ ಮಾಗ್ಲೆಂ.