ಪಾಸ್ಖಾಚೆ ಜಾಗ್ರಣೆಚಿ ಭೋವ್ ಪವಿತ್ರ್ ರಾತ್

ಎಪ್ರಿಲ್ 19 ವೆರ್ ಪಾಸ್ಖಾಚೆ ಜಾಗ್ರಣೆಚಿ ಭೋವ್ ಪವಿತ್ರ್ ರಾತಿಂ ಸಾಂಜೆರ್ 7.00 ವ್ಹರಾರ್ ವಿಗಾರ್ ಬಾಪಾನಿಂ ಉಜೊ ಬೆಂಜಾರ್ ಕರ್ನ್ ಪಾಸ್ಕಾಚಿ ವಾತ್ ಪೆಟಯ್ಲಿ. ಉಪ್ರಾಂತ್ ಪಾಸ್ಕಾಚೊ ವೈಭವ್ ಆನಿ ಮಹತ್ವ್ ಪರ‍್ಗಟ್ಚೆಂ ಬೋವ್ ಪುರಾತನ್ ಗೀತ್ ‘ಪಾಸ್ಕಾಚಿ ಮಹಾಸ್ತುತಿ’ ಜಳ್ತ್ಯಾ ವಾತಿ ಸವೆ೦ ವಿಗಾರ್ ಬಾಪಾನಿಂ ಗಾಯ್ಲೆಂ. ದೆವಾಚ್ಯಾ ಸಬ್ದಾಚೊ ಸೆವಾಧರ‍್ಮಾಚ್ಯಾ ಭಾಗಾಂತ್ ಪರ‍್ನ್ಯಾ ಸೊಲ್ಲ್ಯಾಂತ್ಲಿ ತೀನ್ ವಾಚ್ಪಾಂ ಆನಿ ನವ್ಯಾ ಸೊಲ್ಲ್ಯಾಂತ್ಲೆಂ ಏಕ್ ವಾಚಪ್ ವಾಚ್ಲ್ಯಾ ಉಪ್ರಾಂತ್ ವಿಗಾರ್ ಬಾಪಾನಿಂ ಜೆಜುಚ್ಯಾ ಜಿವಂತ್ಪಣಾಚೆರ್ ಭೋವ್ ಅರ್ಥಾಭರಿತ್ ಪ್ರಸಂಗ್ ದಿಲೊ. ಮಿಸಾಚ್ಯಾ ಆಕ್ರೇಕ್ ಹಾಜರ್ ಆಸ್‌ಲ್ಲ್ಯಾ ತಶೆಂ ಪರ್ಗವಾಂತ್ ಆಸ್‌ಲ್ಲ್ಯಾ ಸರ‍್ವಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ. 

ಉಪ್ರಾಂತ್ ಆಯ್ತಾರಾ ದಿಸಾ ಪಾಸ್ಕಾ ಪೆಸ್ತಾಚೆ ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಪ್ರಧಾನ್ ಯಾಜಕ್ ಜಾವ್ನ್ ಮಾನಾದಿಕ್ ಬಾಪ್ ಆಲ್ವಿನ್ ಡಿಸೋಜ ಮಂಗ್ಳುರ್ ದಿಯೆಸೆಜಿಚೊ ಕುಟ್ಮಾ ಜಿಣ್ಯೆ ಕೇಂದ್ರಾಚೊ ನಿರ್ದೇಶಕ್ ಹಾಜರ್ ಆಸ್‌ಲ್ಲೆಂ. ವಿಗಾರ್ ಬಾಪ್ ತಶೆಂ ಸಯ್ರೆಂ ಯಾಜಕ್ ಬಾಪ್ ನೋರ್ಬರ್ಟ್ ಲೋಬೊ ಹಾಣಿಂ ಸಹ ಭೆಟವ್ಣಿಂ ಕೆಲಿ. ಅಶೆಂ ಪಾಸ್ಕಾಚೆ ಫೆಸ್ತ್ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆ.