ಪೋಸ್ಟ್ ಆಫಿಸಾ ಥಾವ್ನ್ ಮೆಳ್ಚ್ಯಾ ಸೌಲಭ್ಯವಿಶಿಂ ಮಾಹೆತ್ ಶಿಬಿರ್

ಕ್ರಿಸ್ತ ಜಯಂತಿ ಜುಬ್ಲೆವಾ ತರ್ಪೆನ್ ಕಾರ್ಮೆಲ್ ಮಾಯೆಚ್ಯಾ ಫಿಗೆಜ್ಯಾಚ್ಯಾ ಲೊಕಾಂಕ್ ಪೋಸ್ಟ್ ಆಫೀಸಾ ಥಾವ್ನ್ ಮೆಳ್ಚೊ ಸಬಾರ್ ಸೌಲಬ್ಯೊ ಆನಿ ಯೋಜನಾಂ ಹ್ಯಾ ವಿಶಿಂ ಕಾರ‍್ಯಾಗಾರ್ ಸಪ್ಟೆಂಬರ್ ಮಹಿನ್ಯಾಚ್ಯಾ 21 ತಾರಿಕೆರ್ ಕಾರ್ಮೆಲ್ ಗಾರ್ಡನಾಂತ್ ಮಾಂಡುನ್ ಹಾಡ್ಲೆಂ. ಭಲಾಯ್ಕೆ ಆಯೋಗ್ ತಶೆಂ ಜುಬ್ಲೆವ್ ಸಮಿತಿಚ್ಯಾ ಸಹಯೋಗಾನ್ ಹೆಂ ಕಾರ‍್ಯೆಂ ಮಾಂಡುನ್ ಹಾಡ್ಲೆಂ.

ಪೋಸ್ಟ್ ಆಫೀಸ್ ಪುತ್ತೂರ್ ವಿಭಾಗಾಚೊ ಶ್ರೀ ಗುರುಪ್ರಸಾದ್ ಮೂಡಬಿದ್ರೆ, ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಹಾಜರ್ ಆಸ್‌ಲ್ಲೊ. ತಾಣೆಂ ಪೋಸ್ಟ್ ಆಪೀಸಾ ಥಾವ್ನ್ ಮೆಳ್ಚೊ ಸೌಲತ್ಯೊ ಹ್ಯಾ ವಿಶಿಂ ವಿಸ್ತಾರ್ ಥರಾನ್ ಶಿಕೊವ್ಣ್ ದಿಲಿ. ಪ್ರತ್ಯೇಕ್ ಜಾವ್ನ್ Life Insurance, Accidental Insurance , ನಿಖರ್ ಠೇವಣಿಂ, ವಿವಿಧ್ ಉರೊವ್ಣೆ ಆನಿ ಹಾಚೆಂ ಥಾವ್ನ್ ಮೆಳ್ಚೆ ಬರೆಪಣ್ ವಿವರುನ್ ಸಾಂಗ್ಲೆ0.

ಶ್ರೀ ಕ್ಲೇರೆನ್ಸ್ ಡಾಯಸಾನ್ ವೆದಿರ್ ಆಸ್ಲೆಲ್ಯಾ ವಿಗಾರ್, ಉಪಾಧ್ಯಕ್ಷ್, ಕಾರ‍್ಯದರ್ಶಿ, ತಶೆಂ ಸಂಪನ್ಮೂಳ್ ವ್ಯಕ್ತಿಚಿಂ ವಳಕ್ ಕರ್ನ್ ದಿಲಿ ಆನಿ ಸ್ವಾಗತ್ ಕೆಲೊ. ಭಲಾಯ್ಕೆ ಆಯೋಗಾಚೊ  ಕಾರ‍್ಯದರ್ಶಿ ಡಾ. ಅನಿಲಾನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಸುಮಾರ್ 150 ಫಿರ್ಗಜ್‌ಗಾರಾಂ ಹಾಜರ್ ಆಸ್‌ಲ್ಲಿಂ. ಸಪ್ಟೆಂಬರಾಚಾ 27 ತಾರಿಕೆರ್ ಸನ್ವರಾ ಪರತ್ ಇನ್ಸುರೆನ್ಸ್ ಆನಿ ಇತರ್ ಸೌಲಭ್ಯೊ ನೊಂದಣಿ ಕರುಂಕ್ ನಿರ್ಧಾರ್ ಘೆತ್ಲೊ.