ಫಿರ್ಗಜೆಚಿ ಸಹ ಪಾತ್ರೊನ್ ಸಾಂ.ತೆರೆಜಾಚೆ ಫೆಸ್ತ್ ಆಚರಣ್

ಅಕ್ಟೋಬರ್ 1 ತಾರಿಕೆರ್ ಫಿರ್ಗಜೆಚಿ ಸಹ ಪಾತ್ರೊನ್ ಸಾಂ.ತೆರೆಜಾಚೆ ಫೆಸ್ತ್ ವ್ಹಡಾ ದಬಾಜಾನ್ ಆಚರಣ್ ಕೆಲೆ. ಪ್ರಧಾನ್ ಯಾಜಕ್ ಜಾವ್ನ್ ಆಮ್ಚ್ಯಾ ಫಿರ್ಗಜೆಚೆ ಮಾ|ಬಾ|ಆಲ್ವಿನ್ ಸಿಕ್ವೇರಾ ಕಾರ್ಮೆಲಿತ್ ಹಾಣಿಂ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಸಾಂ. ತೆರೆಜಾಚಿ ಜಿಣಿ ಆಮ್ಕಾಂ ಸರ್ವಾಂಕ್ ಆದರ್ಶ್ ಆನಿ ತಿಂ ಆಮಿ ಅನುಕರಣ್ ಕರಿಜಯ್ ಮ್ಹಳ್ಳ್ಯಾ ವಿಶಿಂ ಜೊಕ್ತೊ ಸಂದೇಶ್ ದಿಲೊ. ಮಿಸಾಚಾ ಬಲಿದಾನಾಂತ್ ಫಿರ್ಗಜ್ ವಿಗಾರ್ ಬಾಪ್ ಹೆರಾಲ್ಡ್ ಮಸ್ಕರೇನಸ್, ಬಾಪ್ ರೊಕ್ವಿನ್ ಪಿಂಟೊ, ಬಾಪ್ ಮೆಲ್ವಿನ್ ಡಿಸೋಜ ಆನಿ ಬಾಪ್ ದೀಪಕ್ ನೊರೊನ್ಹಾ ಹಾಜರ್ ಆಸೊನ್ ಸಹ ಭೆಟವ್ಣಿ ಕೆಲಿ. ಸಾಂ. ತೆರೆಜ್ ವಾಡ್ಯಾಗಾರಾನಿಂ ಲಿತುರ್ಜಿ ಚಲವ್ನ್ ವೆಲಿ. ಮಿಸಾಚಾ ಪಯ್ಲೆಂ ಮುರ್ದೊಮ್ ದಿಲ್ಲ್ಯಾಂಕ್ ವಾತಿ ವಾಂಟ್ಲ್ಯೊ. ಫಿರ್ಗಜಾಗಾರಾಂ, ಇಸ್ಕಲಾಚ್ಯಾ ಭುರ‍್ಗ್ಯಾಂ ಸವೆಂ ಮಿಸಾಚೆ ಬಲಿದಾನ್ ಭೆಟೊವ್ನ್ ಫೆಸ್ತ್ ಆಚರಣ್ ಕೆಲೆ.