ಫಿರ್ಗಜೆಂತ್ ಪಯ್ಲ್ಯಾ ಕುಮ್ಗಾರಾಚೊ ಸಂಭ್ರಮ್

03.05.2026  ಆಯ್ತಾರಾ ಆಮ್ಚ್ಯಾ ಫಿರ‍್ಗಜೆಂತ್ ಪಯ್ಲ್ಯಾ ಕುಮ್ಗರಾಚೊ ಸಂಭ್ರಮ್ ಸಂಭ್ರಮ್ಲೊ. ಫಿರ‍್ಗಜೆಂತ್ಲ್ಯಾ ಧಾ ಜಣಾಂ ಭುರ‍್ಗ್ಯಾಂನಿ ಜೆಜುಕ್ ಪಯ್ಲೆ ಪಾವ್ಟಿಂ ಸಂತೊಸಾನ್ ಆಪ್ಲ್ಯಾ ಕಾಳ್ಜಾಂತ್ ಘೆತ್ಲೊ.  ಫಿರ್ಗಜ್ ವಿಗಾರ್ ಬಾಪ್ ಹೆರಾಲ್ಡ್ ಮಸ್ಕರೇನಸ್ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ . ಆಮ್ಚ್ಯಾ ಫಿರ‍್ಗಜೆಚೆ ಬಾಪ್ ಆಲ್ವಿನ್ ಡಿಸೋಜ ಹಾಣಿಂ ಸಹ ಭೆಟವ್ಣಿ ಕೆಲಿ ಆನಿ ದೆವಾಚ್ಯಾ ಉತ್ರಾಂಚೆರ್ ಅರ್ಥಾಭರಿತ್ ನಿಯಾಳ್ ದಿಲೊ. ಪಯ್ಲೊ ಕುಮ್ಗಾರ್ ಘೆತ್ಲೆಲ್ಯಾ ಸರ್ವ್ ಭುರ‍್ಗ್ಯಾನಿಂ ದೇವ್ ಸ್ತುತೆಂತ್ ಮುಖೆಲ್ಪಣ್ ಘೆವ್ನ್ ಭೋವ್ ಭಕ್ತಿಪಣಾನ್ ಪಾತ್ರ್ ಘೆತ್ಲೊ.

ಮಿಸಾ ಉಪ್ರಾಂತ್ ವಿಗಾರ್ ಬಾಪಾನಿಂ ಸರ‍್ವಾಂಚೊ ಉಪ್ಕಾರ್ ಬಾವುಡ್ಲೊ. ತಶೆಂಚ್ಚ್ ಪ್ರತ್ಯೇಕ್ ಜಾವ್ನ್ ತಾಂಕಾಂ ದೊತೊರ್ನ್ ಶಿಕಯ್ಲೆಲ್ಯಾ ಶ್ರೀಮತಿ ವಿಲ್ಮಾ ಪಿರೇರಾಚೊ ಉಪ್ಕಾರ್ ಬಾವುಡ್ಲೊ. ಮಿಸಾ ಉಪ್ರಾಂತ್ ಸರ್ವ್ ಭುರ‍್ಗ್ಯಾಂಕ್ ಕಾಫಿ-ಫಳಾರಾಚಿ ವ್ಯವಸ್ಥಾ ಕೆಲ್ಲಿ.