ಬಾಪ್ ಅವಿಲಾಚೆಂ ಪಯ್ಲೆಂ ಮೀಸ್ ಆನಿ ಸಿ. ವಿನ್ನಿಪ್ರೇಡ್ ಗೋವಿಯಸಾಚ್ಯಾ ಪಯ್ಲ್ಯಾ  ಅಂಗೊವ್ಣ್ಯಾಚೊ ಸಂಭ್ರಮ್

ಎಪ್ರಿಲಾಚಾ 16 ವೆರ್ ಬಾಪ್ ಅವಿಲಾಕ್ ಯಾಜಕಿ ದೀಕ್ಷಾ ಲಾಭ್ಲಿ. ರುಜಾಯ್ ವಾಡ್ಯಾಚೊ  ಶ್ರೀ ಚಾಲ್ಸ್ ಆನಿ ಅಂಜೆಲಿನ್ ಸಾಂತ್ಮಾಯೊರಾಚೊ ಪೂತ್ ಜಾವ್ನಾಸ್ಚೊ ಬಾಪ್ ಅವಿಲ್ ಹಾಚೆ ಪಯ್ಲೆಂ ಮೀಸ್ ಎಪ್ರಿಲಾಚ್ಯಾ 21 ವೆರ್ ಸಕಾಳಿಂ 10.00 ವರಾರ್ ಕಾರ್ಮೆಲ್ ಮಾಯೆಕ್  ಸಮರ್ಪಿಲ್ಲ್ಯಾ ಶಿರ್ತಾಡಿ ಇಗರ್ಜೆಂತ್ ಸಂಭ್ರಮ್ಲೆ. ವಿಗಾರ್ ಬಾಪಾ ಸಂಗಿ ಸುಮಾರ್ 25 ಯಾಜಕಾಚ್ಯಾ ಸಾಂಗಾತಾ ಬಾಪ್ ಅವಿಲಾನ್ ಪಯ್ಲೆಂ ಮೀಸ್ ಭೆಟಯ್ಲೆಂ. ಉಪ್ರಾಂತ್ ಇಗರ್ಜೆಚ್ಯಾ ವಟಾರಾಂತ್ ಉಲ್ಲಾಸಾಚೆ ಕಾರ‍್ಯೆ  ಮಾಂಡುನ್ ಹಾಡ್ಲೆಂ. ಫಿರ್ಗಜೆ ತರ್ಪೆನ್ ಬಾಪ್ ಅವಿಲಾಕ್ ಮಾನ್ ಕೆಲೊ ಆನಿ ಕೊಯರ್ ಪಂಗ್ಡಾಚಾನಿ ಆನಿ ರುಜಾಯ್ ವಾಡ್ಯಾಗಾರಾನಿಂ ಉಲ್ಲಾಸಾಚೆ ಗೀತ್ ಗಾಯ್ಲೆ.

ಎಪ್ರಿಲಾಚ್ಯಾ 26 ತಾರಿಕೆರ್ ಫಿರ್ಗಜ್ ಕುಟ್ಮಾ ತರ್ಪೆನ್ ಯಾಜಕೀ ದೀಕ್ಷಾ ಲಾಬ್‌ಲ್ಲ್ಯಾ ಬಾಪ್ ಅವಿಲಾಕ್ ಆನಿ  ಎಪ್ರಿಲಾಚ್ಯಾ 9 ತಾರಿಕೆರ್ ಧಾರ್ಮಿಕ್  ಶಾಶ್ವಿತ್ ಅಂಗೊವ್ಣ್ ಕೆಲ್ಲ್ಯಾ ಸಾಂ. ಇನಾಸ್ ವಾಡ್ಯಾಚ್ಯಾ ವಾಲ್ಟರ್  ಗೋವಿಯಸ್ ಆನಿ ಜ್ಯೋತಿ ಗೋವಿಯಸ್ ಹಾಂಚಿ ಧು ಜಾವ್ನಾಸ್ಚಿ  ವಿನ್ನಿಪ್ರೆಡ್ ಗೋವಿಯಸ್  ಹಾಂಕಾ ಅಭಿನಂದನ್ ಪಾಟಯ್ಲೆಂ ಆನಿ ಫಿರ್ಗಜೆ ತರ್ಪೆನ್ ಮಾನ್ ಕೆಲೊ.