ಮಾದಕ್ ದ್ರವ್ಯ್ ಹಾಚೊ ಉಪಯೋಗ್ ಆನಿ ದುಷ್ಪರಿಣಾಮ್

ಸಪ್ಟೆಂಬರ್ ಮಹಿನ್ಯಾಚ್ಯಾ 21.09.2025 ಆಯ್ತಾರಾ ಮಾದಕ್ ದ್ರವ್ಯ್ ಹಾಚೊ ಉಪಯೋಗ್ ಆನಿ ದುಷ್ಪರಿಣಾಮ್ ಹ್ಯಾ ವಿಶಿಂ ಕಾರ್ಮೆಲ್ ಮಾಯೆಚ್ಯಾ ಫಿರ್ಗಜೆಂತ್ ಕಾರ‍್ಯಗಾರ್ ಮಾಂಡುನ್ ಹಾಡ್‌ಲ್ಲೆಂ.

Link De Addiction Centre ಹಾಚಿ ಆಡಳ್ತೆದಾರ್ ಶ್ರೀಮತಿ. ಲೀಡಿಯಾ ಲೋಬೊ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಹಾಜರ್  ಆಸ್‌ಲ್ಲಿಂ. ಮಿಸಾಕ್ ಆಯಿಲ್ಲ್ಯಾ ಸರ್ವ್ ಫಿರ್ಗಜ್‌ಗಾರಾನಿಂ ಹಾಂತು ವಾಂಟೊ ಘೆತ್ಲೊ. ಮಾದಕ್ ದ್ರವ್ಯ ಸೇವನ್ ಹ್ಯಾ ವರ್ಸಾನಿಂ ಚಡ್ ಆನಿ ಚಡ್ ಯುವಜಣಾಂಕ್ ಪ್ರೇರಿತ್ ಕರ್ನ್ ತಾಂಚೆ ಜೀವನ್ ತಶೆಂ ಕುಟ್ಮಾಂಚಿ ಶಾಂತಿ ಸಮಧಾನ್ ವಾಟೆರ್ ಗಾಲ್ತಾ. ಥೊಡ್ಯಾ ವರ್ಸಾಂ ಆದಿಂ 40 ವರ್ಸಾಂ ಉಪ್ರಾಂತ್ಲೆo ಹ್ಯಾ ವ್ಯಸನಾಕ್ ಬಲಿ ಜಾತಾಲೆಂ. ಪೂಣ್ ಪ್ರಸ್ತುತ್ ವರ್ಸಾನಿಂ 13 ಥಾವ್ನ್ 20 ವರ್ಸಾಂ ಪ್ರಾಯೆಚಿ ಭುರ್ಗಿಂ ತಶೆಂ ಯುವಜಣಾಂ ಚಡಿತ್ ರಿತಿನ್ ಹ್ಯಾ ವ್ಯಸನಾಕ್ ಬಲಿ ಜಾತಾತ್ ದೆಕುನ್ ವ್ಹಡಿಲಾಂನಿ0 ತಾಂಚ್ಯಾ ಭುರ‍್ಗ್ಯಾಂಚಿ ಜತ್ನಾಯ್ ಕರಿಜಯ್ ಮಾತ್ರ್ ನೈಂ ತಾಂಕಾ ಮೊಗಾನ್ ಸಮ್ಜೊವ್ನ್, ತಿದ್ವುನ್, ಈಷ್ಟಂಚಾ ಸಾಂಗಾತಾ ಥಾವ್ನ್ ಅಲಗ್ ರಾವೊಂಕ್ ಪ್ರೇರಣ್ ಜಾಯ್ಜಯ್ ಮ್ಹಳ್ಳೊ ಸಂದೇಶ್ ದಿಲೊ.

ಭುರ‍್ಗ್ಯಾ0 ಖಾತಿರ್ ಪ್ರತ್ಯೇಕ್ ಶಿಕೊವ್ಣ್ ತಾಂಕಾ ಸಮ್ಜಸಾರ್ಕೆಂ ವಿವಿಧ್ ರಿತಿಚಿಂ ಮಾದಕ್ ದ್ರವ್ಯ ಹಾಂಚಿ ಪರಿಚಯ್, ನಾಂವಾ0, ಕಶೆಂ ಕಳಿತ್ ನಾಸ್ತಾನಾ ಈಷ್ಟಂಚಾ ಆನಿ ಸಾಂಗಾತಾಚ್ಯಾ ಪುಸ್ಲಾವ್ಣೆಂತ್ ಭುರ್ಗಿಂ ಬಲಿ ಜಾವ್ನ್ ಪಿಡೆಂತ್ ಪಡ್ತಾತ್ ಮ್ಹಳ್ಳ್ಯಾ ವಿಶಿಂ ವೀಡಿಯೊದ್ವಾರಿ ವಿಸ್ತಾರ್ ಥರಾನ್ ಭುರ‍್ಗ್ಯಾಂಕ್  ಶಿಕೊವ್ಣ್ ದಿಲಿ. ಭುರ‍್ಗ್ಯಾಂನಿ  ಶ್ರೀಮತಿ ಲೀಡಿಯಾ ಲೋಬೊಕ್ ಧನ್ಯವಾದ್ ಪಾಟಯ್ಲೆಂ. ವಿಗಾರಾನ್ ಸರ್ವಾಂಚೆ0 ನಾಂವಿ0 ಸಂಪನ್ಮೂಳ್ ವ್ಯಕ್ತಿಚೊ ಉಪ್ಕಾರ್ ಭಾವುಡ್ಲೊ.