ಮರಿ ದೆವಾಚಿ ಮಾತಾ ಆನಿ ನವೆಂ ವರಸ್ ಆಚರಣ್

ಡಿಸೆಂಬರ್ 31 ತಾರಿಕೆರ್ ರಾತಿಂ ಶಿರ್ತಾಡಿ ಫಿರ್ಗಜೆಂತ್ ಮರಿ ದೆವಾಚಿ ಮಾತಾ ಆನಿ ನವೆಂ ವರಸ್ ವ್ಹಡ್ ಸಂಭ್ರಮಾನ್ ಆಚರಣ್ ಕೆಲೆಂ. ಸಾಂಜೆರ್ 7:00 ವರಾರ್ ಸಗ್ಳ್ಯಾ ವರ್ಸಾಂ ದೆವಾನ್ ಕೆಲ್ಲ್ಯಾ ಉಪ್ಕಾರಾಂಕ್ ದೆವಾಕ್ ಅರ್ಗಾಂ ದೀವ್ನ್ ಅರ‍್ಧ್ಯಾ ಗಂಟ್ಯಾಚೆ0  ಆರಾಧಾನ್ ಫಿರ‍್ಗಜ್ ವಿಗಾರ್ ಮಾ.ಬಾ.ಹೆರಾಲ್ಡ್ ಮಸ್ಕರೇನಸ್ ಹಾಣಿಂ  ಚಲೊವ್ನ್ ವೆಲೆಂ. ಉಪ್ರಾಂತ್ 7:30 ವರಾರ್ ವಿಗಾರ್ ಬಾಪಾನಿಂ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ ಆನಿ ದೆವಾಚ್ಯಾ ಉತ್ರಾಂಚೆರ್ ನಿಯಾಳ್ ದಿಲೊ.   ಮಿಸಾಂ ಉಪ್ರಾಂತ್ ಐ.ಸಿ.ವೈ.ಎಮ್. ಶಿರ್ತಾಡಿ ಘಟಕಾನ್ ಆಸಾ ಕೆಲ್ಲ್ಯಾ ಖೆಳಾ ಸ್ಪರ‍್ಧ್ಯಾಂತ್ ಜಿಕುನ್ ಆಯಿಲ್ಲ್ಯಾಕ್ ಪಯ್ಲೆಂ ಆನಿ ದುಸ್ರೆಂ ತಶೆಂಚ್ ವಾಂಟೊ ಘೆತ್‌ಲ್ಲ್ಯಾ ಸರ್ವಾಂಕ್ ಇನಾಮಾ ವಾಂಟ್ಲಿ.  ಮಾನೋರಂಜನಾ ಖಾತಿರ್ ಹೌಸಿ ಹೌಸಿ ಖೆಳ್ ಚಲೊವ್ನ್ ವೆಲೊ ಆನಿ ಇನಾಮಾಂ ವಾಂಟ್ಲಿಂ. ಅಶೆಂ ನವ್ಯಾ ವಸ್ರಾಚೊ ಸಂಭ್ರಮ್ ಆಚರಣ್ ಕೆಲೊ.