ಯುವ ಸಂಗಮ್ 2025

ಕ್ರಿಸ್ತಾಂವ್ ಯುವಜಣಾಂ ಸ್ಪರ್ದಾತ್ಮಕ್ ಪರೀಕ್ಷೆಕ್ ತಯಾರ್ ಜಾಯ್ಜೆ: ಇನ್ಸ್ಪೆಕ್ಟರ್ ಸಂದೇಶ್ ಪಿ.ಜಿ.

ಐ.ಸಿ.ವೈ.ಎಮ್. ಶಿರ್ತಾಡಿ ಘಟಕಾ ತರ್ಪೆನ್ ಸರ್ವ್ ಯುವಜಣಾಂಕ್ ಆಸಾ ಕೆಲ್ಲ್ಯಾ ಯುವ ಸಂಗಮ್ ಕಾರ್ಯೆಂ 24.08.2025 ವೆರ್ ಕಾರ್ಮೆಲ್ ಗಾರ್ಡನಾಂತ್ ಮಾಂಡುನ್ ಹಾಡ್ಲೆ. ಇನ್ಸ್ಪೆಕ್ಟರ್ ಸಂದೇಶ್ ಪಿ.ಜಿ. ಪ್ರಧಾನ್ ಭಾಷಣ್ಕಾರ್ ಜಾವ್ನ್ ಹಾಂವ್‌ಯಿ ಐ.ಸಿ.ವೈ.ಎಮ್. ಸಾಂದೊ ಜಾವ್ನ್ ಆಸೊನ್ ಹ್ಯಾ ಪಾಂವ್ಡಾಕ್ ಪಾವೊಂಕ್ ಯುವ ಸಂಘಟನಾo ಮ್ಹಾಕಾ ಪ್ರೇರಣ್ ಜಾಂವ್ಕ್ ಪಾವ್ಲಾ. ತುಮಿ ಹಿ ದೇಖ್ ಘೆವ್ನ್ ಯುವಜಣಾಂ ಸ್ಪರ್ದಾತ್ಮಕ್ ಪರೀಕ್ಷೆಕ್ ತಯಾರ್ ಜಾಯ್ಜೆ ಮ್ಹಣ್ ಜೊಕ್ತೊ ಸಂದೇಶ್ ದಿಲೊ. ಉದ್ಘಾಟನ್ ಕಾರ್ಯೆಂ ಮಾಗ್ಣ್ಯಾವಿಧಿದ್ವಾರಿ  ಆರಂಭ್ ಜಾವ್ನ್ ಅಧ್ಯಕ್ಷ್ ಅವಿಟಾ ಡಿಸೋಜನ್ ಸ್ವಾಗತ್ ಕೆಲೊ. ವಿಗಾರ್ ಬಾಪ್ ಹೆರಾಲ್ಡ್ ಮಸ್ಕರೇನಸ್ ಕಾರ್ಯಚೆo ಅಧ್ಯಕ್ಷಪಣ್ ಘೆವ್ನ್ ಯುವಜಣಾಂಕ್ ಜೊಕ್ತೊ ಸಂದೇಶ್ ದಿಲೊ. ಮುಖೆಲ್ ಸಯ್ರೆಂ ಜಾವ್ನ್ ಫಿರ್ಗಜೆಚಿಂ ಕಾರ‍್ಯದರ್ಶಿ ಜೆಸಿಂತಾ ರೊಡ್ರಿಗಸ್, 21 ಆಯೋಗಾಂಚೊ ಸಂಯೋಜಕ್ ಜ್ಯೋ ಪಿರೇರಾ, ಐ.ಸಿ.ವೈ.ಎಮ್ ಸಚೇತಕ್ ವಿಲ್ಫೆಡ್ ಪಿಂಟೊ ಆನಿ ವೈ.ಸಿ.ಯಸ್. ಸಚೇತಕಿ ಸಿಲ್ವಿಯಾ ಡೆಸಾ ಹಾಜರ್ ಆಸ್‌ಲ್ಲಿ. ಸಂಪನ್ಮೂಳ್ ವ್ಯಕ್ತಿ ಐ.ಸಿ.ವೈ.ಎಮ್ ಮಂಗ್ಳುರ್ ದಿಯೆಸೆಜಿಚೊ ನಿಕಟ್ ಪೂರ್ವ ಅಧ್ಯಕ್ಷ್ ವಿನ್‌ಸ್ಟನ್ ಸಿಕ್ವೇರಾ ಹಾಜರ್ ಆಸೊನ್ ಪಂಗಡ್ ಚರ್ಚಾ ಆನಿ ವಿವಿಧ್ ಚಟುವಟಿಕೊ ಮಾಂಡುನ್ ಹಾಡ್ಲ್ಯೊ. ಐ.ಸಿ.ವೈ.ಎಮ್ ವಾರಾಡೊ ಅಧ್ಯಕ್ಷ್  ಪ್ರಿನ್ಸಟನ್ ಪಿಂಟೊ ಆನಿ ಕಾರ‍್ಯದರ್ಶಿ ಜೊಯ್‌ಲಿನ್ ಕೋರ್ಡೇರೊ ಆನಿ ಕಾರ್ಯಕಾರಿ ಸಮಿತಿಚೆ ಸಾಂದೆo ಹಾಜರ್ ಆಸೊನ್ ಸಾಂಗಾತ್ ದಿಲೊ. ಆಮ್ಚೊ ಯುವಕ್ ಪ್ರತಿನಿಧಿ ಆನಿ PRO ಪ್ರೀಮಲ್ ಪಿಂಟೊನ್ ಧನ್ಯವಾದ್ ಪಾಟಯ್ಲೆಂ. ಸಹಕಾರ‍್ಯದರ್ಶಿ ಲೆನಿಷಾ ನೊರೊನ್ಹಾನ್ ಕಾರ್ಯೆಂ ಚಲವ್ನ್ ವೆಲೆಂ. ಹ್ಯಾ ಕಾರ್ಯಾಕ್ 50 ಯುವಜಣಾಂ ಹಾಜರ್ ಆಸೊನ್ ಜೆವ್ಣಾಸಂಗಿo ಕಾರ್ಯೆಂ ಅಕೇರ್ ಕೆಲೆಂ.