ವಿಗಾರ್ ಬಾಪಾಕ್ ವಿದಾಯ್ ಕಾರ‍್ಯೆಂ

ಮೇ ಮಹಿನ್ಯಾಚ್ಯಾ 10 ತಾರಿಕೆರ್ ಆಮ್ಚ್ಯಾ ಫಿರ್ಗಜೆಂತ್ ವಿಗಾರ್ ಜಾವ್ನ್ ಸೆವಾ ದಿಲ್ಲ್ಯಾ ಬಾಪ್ ಹೆರಾಲ್ಡ್ ಮಸ್ಕರೇನಸ್ ಹಾಂಕಾ ವಿದಾಯ್ ಕಾರ‍್ಯೆಂ ಮಾಂಡುನ್ ಹಾಡ್‌ಲ್ಲೆಂ. ವಿಗಾರಾ ವಿಶ್ಯಾಂತ್ ಸಬಾರ್ ಫಿರ್ಗಜ್‌ಗಾರಾನಿಂ ತಾಂಚಾ ಸೆವೆಕ್ ಅಭಾರ್ ಮಾಗ್ಲೊ ಆನಿ ಜೊಕ್ತ್ಯಾಂ ಉತ್ರಾನಿಂ ಬರೆಂ ಮಾಗ್ಲೆಂ.  ತಾಂಚ್ಯಾ 40 ವರ್ಸಾಂಚಾ ಯಾಜಕೀ ದೀಕ್ಷೆಚ್ಯಾ ಉಗ್ಡಾಸಾಕ್ ಆನಿ ತಾಣಿಂ ದಿಲ್ಲ್ಯಾ ಸೆವೆಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೊ. ವಿಗಾರ್ ಬಾಪಾನಿಂ ಆಪ್ಲಿ ಬೊಗ್ಣಾಂ ಉಚಾರ‍್ಲಿ ಆನಿ ಸರ್ವ್ ಫಿರ್ಗಜ್‌ಗಾರಾಂಕ್ ತಾಣಿಂ ದಿಲ್ಲ್ಯಾ ಸಾಂಗಾತ್‌ಪಣಾಕ್ ಉಪ್ಕಾರ್ ಭಾವುಡ್ಲೊ. ಬಾಪ್ ರೊಕ್ವಿನ್ ಆನಿ ಬಾಪ್ ಅವಿಲ್ ಹಾಜರ್ ಆಸ್‌ಲ್ಲೆಂ. ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಆಸ್ಟಿನ್ ಡೆಸಾನ್ ಧನ್ಯವಾದ್ ಪಾಟಯ್ಲೆಂ, ಕಾರ‍್ಯದರ್ಶಿನ್ ಮಾನ್ ಪತ್ರ್ ವಾಚ್ಲೆಂ ಆನಿ ಜೈಸನ್ ಪಿರೇರಾನ್ ಕಾರ್ಯೆಂ ಚಲಯ್ಲೆಂ.