ಶಿರ್ತಾಡಿ ಫಿರ್ಗಜೆಕ್ ಗೊವ್ಳಿಕ್ ಭೆಟ್

2026 ಜನವರಿ 17-18 ವೆರ್ ಶಿರ್ತಾಡಿ ಫಿರ್ಗಜೆಕ್ ಮಂಗ್ಳುರ್ ದಿಯೆಸೆಜಿಚಿಚೆ ಗೊವ್ಳಿಬಾಪ್  ಅ. ಮಾ. ದೊ. ಪೀಟರ್ ಪಾವ್ಲ್ ಸಲ್ಡಾನ್ಹ ಹಾಣಿಂ ಅಧಿಕೃತ್ ಭೆಟ್ ಕೆಲಿ. ಸನ್ವರಾ 17 ಜನವರಿ ಸಕಾಳಿಂ 9.30 ವರಾರ್ ಇಸ್ಕೊಲಾಚ್ಯಾ ಗೇಟಿಲಾಗಿಂ ಕನ್ನಡ ಮಾಧ್ಯಮ್ ಆನಿ ಇಂಗ್ಲೀಷ್ ಮಾಧ್ಯಮ್ ಇಸ್ಕೊಲಾಚಿ ಭುರ್ಗಿಂ, ಶಿಕ್ಷಕಾಂ ತಶೆಂಚ್ ಸರ್ವ್ ಫಿರ್ಗಜ್‌ಗಾರಾನಿಂ ಬ್ಯಾಂಡಾ ಸವೆಂ ಸ್ವಾಗತ್ ಕೆಲೊ. ಇಗರ್ಜೆಂತ್ ಸುರ್ವಿಲಿ ಮಾಗ್ಣ್ಯಾಚಿ ರೀತ್ ಚಲೊವ್ನ್ ವೆಲಿ. ಉಪ್ರಾಂತ್ ದೋನಿ ಇಸ್ಕಲಾಂಚಿ ಭೆಟ್ ಕರ್ನ್ ಭುರ‍್ಗ್ಯಾಂ ಸವೆಂ ಮಟ್ವೆ ವೆದಿಂ ಕಾರ್ಯೆಂ ಚಲವ್ನ್ ವೆಲೆ. ಭುರ‍್ಗ್ಯಾಂಕ್ ತಶೆಂ ಶಿಕ್ಷಕಾಂಕ್ ಬರೊ ಸಂದೇಶ್ ದಿಲೊ. ಉಪ್ರಾಂತ್ ದೋನಿ ಇಸ್ಕೊಲಾಂಚಿ ಶಿಕ್ಷಕಾಂ ಕಾರ್ಮೆಲ್ ಗಾರ್ಡನಾಂತ್ ಸಾಂಗಾತಾ ಮೆಳ್ಳಿ. ಶಿಕ್ಷಕಾಂಕ್ ಜೆವಾಣ್ ಆಸಾ ಕೆಲ್ಲೆ. 

ಸಾಂಜೆರ್  3.45 ಕ್ರಿಜ್ಮಾಚ್ಯಾ ಭುರ‍್ಗ್ಯಾಂಕ್  ಶಿಕೊವ್ಣ್ ದಿಲಿ. ಸಂಭ್ರಮಿಕ್ ಮಿಸಾಚಾ ಬಲಿದಾನಾಂತ್ 31 ಜಣಾಂ ಭುರ‍್ಗ್ಯಾಂನಿಂ ಥಿರಾವ್ಣೆಚೊ ಸಂಸ್ಕಾರ್ ಘೆತ್ಲೊ. ಉಪ್ರಾಂತ್ ಸಿಮೆಸ್ತಿಚಿ ಭೆಟ್ ಕರ್ನ್ ಮಾಗ್ಣ್ಯಾo  ವಿಧಿ ಚಲವ್ನ್ ವೆಲಿ. ತ್ಯಾ ನಂತರ್ ಫಿರ್ಗಜ್ ಆರ್ಥಿಕ್ ಪರಿಷದ್ ಆನಿ ಗೊವ್ಳಿಕ್ ಪರಿಷದೆಚಿ ಜಮಾತ್ ಗೊವ್ಳಿಬಾಪಾನಿಂ ಚಲೊವ್ನ್ ವೆಲಿ. ನಿಮಾಣೆಂ ಜೆವ್ಣಾ ಸವೆಂ ತ್ಯಾ ದಿಸಾಚೆ ಕಾರ್ಯೆ ಅಕೇರ್ ಕೆಲೆ.

ಜನವರಿ 18 ಆಯ್ತಾರಾ ಸಕಾಳಿಂ 8.೦೦ ವರಾರ್ ಗೊವ್ಳಿ ಬಾಪಾನಿಂ ಸರ್ವ್ ಲೊಕಾಕ್ ಶಿಕೊವ್ಣ್ ದಿಲಿ. ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಮಿಸಾ ನಂತರ್ ಧಾರ್ಮಿಕಾಂಚ್ಯಾ ವ್ಹಡಿಲಾಂಚಿ ಭೆಟ್ ಕೆಲಿ. ಫಿರ್ಗಜೆಚ್ಯಾ ಸರ್ವ್ ಲೊಕಾಕ್ ಕಾಫಿ ಫಳಾರಾಚಿ ವ್ಯವಸ್ಥಾ ಕೆಲ್ಲಿ. ಉಪ್ರಾಂತ್ ಗೊವ್ಳಿಬಾಪಾನಿಂ ಸಂಘ್  ಸಂಸ್ಥ್ಯಾಚಿ ಭೆಟ್ ಕೆಲಿ ಆನಿ ಆಪ್ಲಿ ಸಲಹಾ ಸೂಚನಾಂ ದಿಲಿ. ಉಪ್ರಾಂತ್ ಫಿರ್ಗಜೆಂತ್ ವಾವ್ರ್ ದಿಂವ್ಚಾ ಹೆರ್ ಥೊಡ್ಯಾ ಸಂಘಾಕ್ ಭೆಟ್ ದೀವ್ನ್ ತಾಂಚೆ ಸವೆಂ ಜೆವಾಣ್ ಕೆಲೆ.

3.00 ವರಾರ್ ಫಿರ್ಗಜೆಚ್ಯಾ ತೆಗಾಂ ಜಣಾಂ ಪಿಡೆಸ್ತಾಂ ಆನಿ ಪ್ರಾಯ್ವತಾಂಚಿ ಭೆಟ್ ಕರ್ನ್, 4.00 ವರಾರ್ ಸಾಂ. ಇನಾಸ್ ವಾಡ್ಯಾಂತ್ ವಾಡ್ಯಾ ಜಮಾತೆಕ್ ಹಾಜಿರ್ ಜಾಲೆ. ಅಶೆಂ ಗೊವ್ಳಿಬಾಪ್ 5.00 ವರಾರ್ ಶಿರ್ತಾಡಿ ಫಿರ್ಗಜೆಕ್ ಆಪ್ಲಿ ಗೊವ್ಳಿಕ್ ಭೆಟ್ ಸಂಪೊವ್ನ್ ನಿರ್ಗಮನ್ ಜಾಲೆ.