ಶಿರ್ತಾಡಿಂತ್ ಕೊಂಪ್ರಿಚೊ ಆಯ್ತಾರ್

ಜನವರಿಚಾ 5, 2025 ವೆರ್ ಸಕಾಳಿಂ 8.00 ವರಾಂಚ್ಯಾ ಮಿಸಾ ಸಂಗಿಂ ಕೊಂಪ್ರಿಚ್ಯಾ ಆಯ್ತಾರಾಚೊ ಸಂಭ್ರಮ್ ಆರಂಭ್ ಜಾಲೊ. ಪ್ರಧಾನ್ ಯಾಜಕ್ ಜಾವ್ನ್ ಮಾ.ಬಾ. ಆಲ್ಬನ್ ರೊಡ್ರಿಗಸ್, ನೀರುಡೆ ಫಿರ್ಗಜೆಚೊ ವಿಗಾರ್ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ ಆನಿ ದೆವಾಚ್ಯಾ ಉತ್ರಾಂಚೆರ್ ನಿಯಾಳ್ ದಿಲೊ. ಬಾಪ್ ರೋಶನ್ ಡಿಸಿಲ್ವ  ಆನಿ ವಿಗಾರ್ ಮಾ.ಬಾ. ಹೆರಾಲ್ಡ್ ಮಸ್ಕರೇನಸ್ ಹಾಣಿಂ ಸಹ ಭೆಟೊವ್ಣಿ ಕೆಲಿ. ಮಿಸಾ ಉಪ್ರಾಂತ್ ಮಾ.ಬಾ. ಆಲ್ಬನ್ ರೊಡ್ರಿಗಸ್ ಹಾಣಿಂ ಮಟ್ವೆಂ ಆರಾದಾನ್ ಚಲೊವ್ನ್ ವೆಲೆಂ. ನಿಮಾಣೆಂ ಪುರ್ಶಂವಾರ್ ಎವ್ಕರಿಸ್ತಾಕ್  ವರ್ನ್  ಪರ್ಗಟ್ ಮಾನ್ ಕೆಲೊ. ಸರ್ವ್ ಲೊಕಾಂನಿ ವ್ಹಡಾ ಸಂಖ್ಯಾನ್ ವಾಂಟೊ ಘೆವ್ನ್ ಎವ್ಕರಿಸ್ತಾಚೆಂ ಆಶಿರ್ವಾದ್ ಜೊಡುನ್ ಘೆತ್ಲೆಂ. ಎವ್ಕರಿಸ್ತಾಚ್ಯಾ ಬೆಸಾಂವಾಂ ಉಪ್ರಾಂತ್ ವಿಗಾರ್ ಬಾಪಾನಿ ಉಪ್ಕಾರ್ ಆಟಯ್ಲೊ . ಪುರ್ಶವಾಂತ್ ವಾಂಟೊ ಘೆತ್ಲ್ಯಾ ಸರ್ವಾಂಕ್ ಥಂಡ್ ಪೀವನ್ ಆನಿ ಫಳಾರ್ ಆಸಾ ಕೆಲ್ಲೊ. ಅಶೆಂ ಕೊಂಪ್ರಿಚೊ ಆಯ್ತಾರ್ ಅರ್ಥಬರಿತ್ ರಿತಿನ್ ಸಂಭ್ರಮ್ಲೊ.