ಸಾಂ. ತೆರೆಜಾಚೆಂ ಫೆಸ್ತ್ ಆನಿ ಫಿರ್ಗಜೆಚೊ ದೀಸ್

ಪಿರ್ಗಜೆಚಿ ಸಹ ಪಾತ್ರೊನ್ ಸಾಂ. ತೆರೆಜಾಚೆಂ ಫೆಸ್ತ್ ತಶೆಂಚ್ ಫಿರ್ಗಜೆಚೊ ದೀಸ್ 04.10.2026ವೆರ್ ಸ೦ಭ್ರಮಾನ್ ಆಚರಣ್ ಕೆಲೆಂ. ಫಾದರ್ ಮುಲ್ಲರ್ ಸಂಸ್ಥ್ಯಾಚೊ ನಿರ್ದೇಶಕ್ ಭೊ| ಮಾ| ಫಾವೊಸ್ಥಿನ್ ಲುಕಾಸ್ ಲೊಬೊ ಪ್ರಧಾನ್ ಯಾಜಕ್ ಜಾವ್ನ್ ಹಾಜರ್ ಆಸೊನ್, ಅರ್ಥಾಭರಿತ್ ಸಂದೇಶ್ ದಿಲೊ. ಫಿರ್ಗಜ್ ವಿಗಾರ್ ಮಾ| ಬಾ| ಸಿಲ್ವೆಸ್ಟರ್ ವಿನ್ಸೆಂಟ್ ಲೋಬೊ ಆನಿ ಮಾ| ಬಾ| ಸ್ಟ್ಯಾನಿ ಫೆರ್ನಾಂಡಿಸ್ ಹಾಣಿಂ ಸಹ ಭೆಟೊವ್ಣಿ ಕೆಲಿ. ಮಿಸಾ ಉಪ್ರಾಂತ್ ಇಸ್ಕೊಲಾಚಾ ಸಾಲಾಂತ್ ವಾಡ್ಯಾವಾರ್ ಸಾಂಸ್ಕೃತಿಕ್ ಕಾರ್ಯೆಂ ಮಾಂಡುನ್ ಹಾಡ್ ಲ್ಲೆಂ. ಪ್ರಾರ್ಥನ್ ಗಿತಾಂದ್ವಾರಿಂ  ಕೊಯರಾಚ್ಯಾ ಸಾಂದ್ಯಾಂನಿ ಕಾರ್ಯಾಚೆರ್ ದೆವಾಚೊ ಆಧಾರ್ ಮಾಗ್ಲೊ. ಫಿರ್ಗಜೆಚಿ ಕಾರ್ಯದರ್ಶಿ ಸಿಲ್ವಿಯಾ ಡೆಸಾನ್ ಸ್ವಾಗತ್ ಕೆಲೊ. ದಿವೊ ಪೆಟವ್ನ್ ಕಾರ್ಯಾಚೆಂ ಉದ್ಘಾಟನ್ ಕೆಲೆ. ಸರ್ವ್ ವಾಡ್ಯಾಚ್ಯಾನಿಂ ತಾಂಚಿ ಪ್ರದರ್ಶನಾಂ ಉತ್ತಮ್ ರಿತಿನ್ ಸಾದರ್ ಕೆಲಿಂ. ಉಪ್ರಾಂತ್ ಕಥೊಲಿಕ್ ಸಭೆನ್ ಧಾವಿ ಆನಿ ಪಿಯುಸಿಂತ್ ಡಿಸ್ಟಿಂಕ್ಷನ್ ಆಪ್ಣಾಯಿಲ್ಲ್ಯಾಂಕ್ ಮಾನ್ ಕೆಲೊ. ಐಸಿವೈಎಮ್ ಸಾಂದ್ಯಾಂನಿ ಆಸಾ ಕೆಲ್ಲ್ಯಾ ರೀಲ್ಸ್ ಚಾಲೆಂಜ್ ಚಾ ವಿಜೇತಾಕ್ ಇನಾಮಾ ವಾಂಟ್ಲಿ. ಸಯ್ರೊ ಯಾಜಕ್ ತಶೆಂಚ್ ವಿಗಾರ್ ಬಾಪಾಂನಿ ಜೊಕ್ತೊ ಸಂದೇಶ್ ದೀವ್ನ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆಂ. ಉಪಾಧ್ಯಕ್ಷ್ ಶ್ರೀ ಆಸ್ಟಿನ್ ಡೆಸಾನ್  ಧನ್ಯವಾದ್ ಪಾಟಯ್ಲೆಂ. ಶಾನ್ ಸಾಂತ್ಮಾಯೋರಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಕಾರ್ಯಾಂ ಉಪ್ರಾಂತ್ ಫಿರ್ಗಜ್ಗಾರಾಂನಿ ತಯಾರ್ ಕೆಲ್ಲೆಂ ಜೆವಾಣ್ ಸೆವ್ನ್ ಫೆಸ್ತ್ ಗದ್ದಾಳಾಯೆನ್ ಆಚರಣ್ ಕೆಲೆಂ.